Glóðafeykir - 01.04.1989, Blaðsíða 72

70
GLOÐAFEYKIR
Móðir hans festi þó ekki yndi í Skagafírði en flutti aftur norður í
heimabyggð sína í Svarfaðardal, en Friðrik fór hvergi, var eftir það
heimilisfastur í Skagafirði og stundaði bæði
búskap og sjósókn.
Arið 1921 kvæntist Friðrik Guðrúnu
Sigurðardóttur sjómanns í Hofsósi, Jóns-
sonar bónda í Artúni á Höfðaströnd,
Jónatanssonar, og konu Sigurðar Sigríðar
Pétursdóttur bónda á Grund í Svínadal
vestur, Jónssonar, og seinni konu hans
Guðrúnar Þorsteinsdóttur bónda á Spáná í
Unadal, Ásgrímssonar, og konu hans
Sigríðar Styrbjarnadóttur. Meðal systkina
Guðrúnar Þorsteinsdóttur var Þorkell, faðir
Árna hreppstjóra á Geitaskarði og þeirra
bræðra. Er Guðriin Sigurðardóttir, ekkja
Friðriks, mikil greindar- og atorkukona.
Þau settust að í Hofsós, ungu hjónin.
Mörg hin fvrri árin fóru þau í síldarvinnu á
Siglufirði að sumrinu, en Friðrik reri bátum sínum frá Hofsósi vor og
haust, lét setja vél í róðrarbát sinn 1929. hélt honum út og fiskaði vel;
var þetta fyrsta „trillan” í Hofsósi. Fram að þ\ í rekstur hraðfrystihúss
hófst í Hofsósi verkaði Friðrik sjálfur allan fiskafla sinn og farnaðist
vel, ,,enda þrifinn og verklaginn svo að at'bar”. „Jafnframt útgerð og
fiskvinnslu stundaði Friðrik búskap, hafði oftast tvær kýr fjósi og 20-
30 ær... þessum rekstri öllum fylgdi svo mikið vinnuálag, að ekki var
ætlandi nema harðduglegustu mönnum.”
Þau Friðrik og Guðrún eignuðust 5 börn og komust öll upp:
Marteinn, forstjóri á Sauðárkróki, Sigríður, húsfreyja í Reykjavík,
Jón, fórst í lendingu við Hofsós í fárviðri 9. nóv. 1959, Hafsteinn, fórst
með Jóni bróður sínum og Snorri, skipstjóri í Reykjavík. Öll voru þau
systkini búin miklum manndómi, sem þau og áttu ættir til. Var djúpt
skarð, er eigi varð fyllt, höggvið í þann fríða hóp er þeir bræður fórust,
miklir efnismenn á besta aldri. Sýndu þá foreldrar þeirra best, hversu
traustir voru inniviðir þeirra. Má nærri um það fara hvílíkum
andlegum þjáningum jafn harmsárir atburðir hafa valdið rosknum
foreldrum, þegar svo nærri var höggvið hjartastað, enda þótt lítt sæi á
ytra borði fyrir sakir áskapaðs æðruleysis og innra þreks. Jón, sonur
þeirra, eignaðist stúlkubarn, Huldu; var hún alin upp hjá afa og ömmu
Friðrik
Jónsson