Glóðafeykir - 01.04.1989, Side 78

76
GLÓÐAFEYKIR
Þar er átt við samvinnumálin. Hann var deildarstjóri Viðvíkurdeildar
Kaupfélags Skagfirðinga 1932-1947, þá kjörinn í stjórn félagsins ogsat
þar til 1968, en gaf þá eigi kost á sér til endurkjörs. Bessi var heitur og
einlægur samvinnumaður, hann vildi veg og virðingu Kaupfélags
Skagfirðinga sem mesta í hverjum hlut, var í senn framsækinn og þó
fyrst og fremst varfærinn og gætinn, eigi ginnkevptur fvrir öllum
nýjungum, en hins vegar hjartfólgið mál, að félagið væri jafnan traust
og gæti staðið við allar skuldbindingar hvar og hvenær sem væri. Ella
gæti svo farið, að félaginu reyndist um megn að ná þeim blessunarríka
árangri og gegna því hagsmunalega og samfélagslega hlutverki, sem
vel reknu samvinnufélagi er áskapað að inna at' hendi.
Bessi Gíslason var góður meðalmaður á vöxt og vel á sig kontinn,
myndarmaður ásýndum, svipurinn hlýr og góðmannlegur. Hann var
ágætlega gerður um marga hluti, greindur og gætinn, hygginn og
traustur. Gætti þeirra eðliskosta í hverju starfi, því er hann tókst á
hendur. Hann var frábær snyrtimaður, svo í búnaði og umgengni allri
á óðali sínu sem og hverju því, er hann lét frá sér fara í rituðu máli.
Hann hafði óskorað yndi af að veita gestum og veita vel; gleðimaður i
sinn hóp, hagmæltur í betra lagi en vissu fáir; viðkvæmur í lund.
næmur tilfinningamaður og tryggðatröll. Hann var merkur fulltrúi
þeirrar kynslóðar, sem borin var kringum aldamótin síðustu og nú er
fámenn orðin fyrir mold ofan.
Guðrún Sveinsdóttir frá Bjarnastaðahlíð í Vesturdal, fyrrum kennari,
lést hinn 23. okt. 1978.
Hún var fædd í Bjarnastaðahlíð 30. maí 1890, dóttir
merkishjónanna Sveins Guðmundssonar og Þorbjargar Ólafsdóttur,
er bjuggu miklu myndarbúi í Bjarnastaðahlíð óslitið frá 1871-1907.
Faðir Sveins var Guðmundur bóndi í Fremri-Svartárdal,
Guðmundssonar bónda á Vindheimum í Tungusveit, Tómassonar. og
kona Guðmundar í Svartárdal, Helga Steinsdóttir bónda á
Þorljótsstöðum, Ormssonar. Kona Sveins í Bjarnastaðahlíð og móðir
Guðrúnar var Þorbjörg Ólafsdóttir bónda í Litluhlíð í Vesturdal,
Guðmundssonar bónda í Svartárdal vestur, Eyjólfssonar. og konu
Ólafs Þóreyjar Ólafsdóttur bónda í Litluhlíð, Þórarinssonar. Var
Guðrún Sveinsdóttir alsystir Guðmundar í Bjarnastaðahlíð, sjá
Glóðaf. 5, bls. 31, Ólafs á Starrastöðum, Glóðaf. 7, bls. 38 og Stefáns á
írafelli, Glóðaf. 17, bls. 53.