Múlaþing: byggðasögurit Austurlands - 01.01.2001, Blaðsíða 15
Einar J. Long
Þórhallur Guttormsson, Sigurður Blöndal og Einar Long 1934. Mynd úr safni Sigrúnar P. Blöndal.
Ljósm.: Sveinn Guðnason.
húsum sem þá voru á flestum bæjum, hér á
Hallormsstað áTittlingsseli innan skógar og
fénu haldið til beitar í Ásum og Halaklett-
um. Sjálfur átti Einar mest nokkra tugi
kinda, fjárhund (Baldur) og reiðhest (Leist-
ur og Grýla) en aldrei rættist draumurinn
um jarðnæði, að verða húsbóndi á eigin
heimili, sjálfstætt fólk.
I fyrstu dvöl sinni á Hallormsstað
kynntist Einar Margréti Stefánsdóttur sem
fædd var í Tunghaga á Völlum 1874, dóttir
Stefáns Gunnlaugssonar og konu hans Her-
dísar Jónsdóttur. Stefán var vinnumaður
víða á Völlum og síðar bóndi í Loðmundar-
firði og Borgarfirði eystra. Margrét ólst upp
hjá Elísabetu Sigurðardóttur Gunnarssonar,
sem lengi réði húsum hér á Hallormsstað.
Einar Long og Margrét gengu í hjónaband
vorið 1893. Á afmælisdegi Einars 14. októ-
ber 1897 fæddist þeim á Valþjófsstað dóttir,
sem hlaut nafnið Elísabet. Eftir nær 20 ár
slitu Einar og Margrét samvistum. Dóttirin
Elísabet giftist 1921 Birni Jóhannssyni frá
Saurum í Dýrafirði, skólastjóra í Súðavík
og síðar kennara í Hafnarfirði. Margrét
fylgdi dóttur sinni vestur og síðar til Hafn-
arfjarðar. Einu sinni heimsótti Einar þær
mæðgur til Súðavíkur, fór sjóleiðis vestur,
og einu sinni kom Elísabet til hans á Hall-
ormsstað nokkru eftir að Margrét andaðist
1950. Á þær mæðgur minntist Einar oft við
okkur börn, einkum Betu sína. Við þóttumst
skynja að hann saknaði þeirra beggja. Um
fyrrverandi konu sína talaði Einar ætíð með
virðingu. Dóttirin Elísabet og Björn eignuð-
ust þrjú böm er upp komust, Snorra og
tvíburana Þorbjörgu og Jóhann. Jóhann lést
á síðasta ári [ 1999] en hér er á meðal okkar
Islaug Aðalsteinsdóttir ekkja hans og dóttir
þeirra Sigríður, en Einar var langafi hennar.
13