Múlaþing: byggðasögurit Austurlands - 01.01.2001, Page 39
Sveitin mín
Félagsheimilið Hjaltalundur stendur austan við Kílahlánna. Ljósm.; Sigfríð Guðmundsdóttir.
Sveitin mín
Fögur eru fjöllin þín
fagra æsku sveitin mín.
Þau standa um þig virkan vörð
vel af náttúrunni gjörð.
Fagurt margt hún fleira á
sem frjálst er hverju auga að sjá.
Engri sveit að ásýnd lík
af undur fögrum stöðum rík.
Þú átt margar brekkur, blár,
bunulæki, fossa og ár,
heiðardali, gljúfur, gil,
gjár og fögur hamraþil.
Asa, hálsa, mýrar, mó,
melgrasþúfur út við sjó,
afföll, lænur, keldur, kíl,
klettaborg í funkisstíl.
Grösug engi, gróin tún,
gamburmosa fjalla á brún,
beitilyng og bjarkarlund
blómafjöld á vallargrund.
Berjalyng og bergvatnslind,
brattar skriður tjalls úr tind,
starartjarnir, straumþung fljót,
stuðlaberg og eggjagrjót.
Þig grænum möttli girðir vor,
þá gróa upp vetrar kuldaspor.
Sumarþeyr með sól og yl
senda á flótta kaldan byl.
Börn þín agar blítt og strítt,
sem besta móðir gerir títt.
Þau alast upp við blíðan blæ,
biturt frost og kaldan sæ.
37