Múlaþing: byggðasögurit Austurlands - 01.01.2001, Page 85

Nokkrar minningar frá hernámsárunum
Bráðabirgðarviðgerð á H.M.S. Sheffield á Seyðisfirði í mars 1943. (Ronald Bassett: H.M.S. Sheffield).
Mynd úr „Fremsta víglína" eftir Friðþjóf Eydal, birt með leyfi höfundar.
meira en 2 - 3 mínútur frá því að skipið
hvarf þangað til að ógurleg sprenging kvað
við. Hávaðinn var óskaplegur og magnaðist
við bergmálið frá fjöllunum beggja megin
fjarðarins. Ég beið fullur eftirvæntingar
þess hvort nokkuð meira mundi heyrast eða
sjást þarna úti í firðinum. Ekki leið á löngu
þangað til að vígdrekinn kom fram úr
þokunni. Nú var hann allmiklu sunnar í
firðinum en hann var þegar hann hvarf út í
þokuna skömmu áður. Og nú hélt hann inn
fjörðinn.
Sáust þess nú glögg merki hvað skeð
hafði við sprenginguna. Feikna stórt gat
var nú komið á bakborðskinnung skipsins.
Hélt það nú til hafnar. Næsta dag fórum við
í kaupstaðinn á vélbátnum Þór frá Þórarins-
stöðum. Þór var 12 smálesta bátur, ein-
mastraður, og mastrið nokkuð hátt. Þegar
við komum inn á Kringluna, en svo er
nefndur innsti hluti fjarðarins, lá orrustu-
skipið þar fyrir festum. Af forvitni fórum
við mjög nærri því. Okkur bar saman um að
Þór hefði getað komist inn í gatið á
kinnungnum á skipinu, án þess að mastur-
toppurinn rækist í, ef að skarðið væri nægi-
lega djúpt.
Eftir þessa sjón vorum við þess vísari
hvað ein sprengja getur áorkað. Ekki viss-
um við hvort heldur orrustuskipið rakst á
tundurdufl, eða varð fyrir tundurskeyti frá
kafbáti. Mjög mikið var um tundurdufl á
reki bæði inni í firðinum og úti í flóanum.
Mörg þeirra ráku á land og sprungu en
fleirum var sökkt með kúluskotum. Ef kúla
hitti einhvern takkann á dullinu þá sprungu
þau. Það kom fyrir stöku sinnum á Seyðis-
firði.
íslendingar fengu fátt að vita um
hernaðarátökin hér við land, annað en það
sem þeir bæði heyrðu og sáu sjálfir.
Nokkrum dögum eftir að skipið varð
fyrir sprengjunni lagðist það að bryggju.
Var þá byrjað að gera við skemmdirnar.
Viðgerðin, ef svo skyldi kalla, fór fram á
þann hátt að breiðir og þykkir plankar voru
lagðir hlið við hlið fyrir gatið. Síðan var
reist annað plankaþil fyrir innan. Mynd-
83