Múlaþing: byggðasögurit Austurlands - 01.01.2001, Blaðsíða 108

Múlaþing
Egill og Sigurður Gunnarssynir frá Egilsstöðum í Fljótsdal að búa sig til heimferðar eftir vel heppnaða
veiðiferð. Með þeim Grímur Sigurðsson veiðimaður að sunnan.
einn tarfur í senn og hann étinn upp því
engin var frystikistan til að geyma nýmetið
til lengdar. Ekki var um stóran veiðiskap að
ræða, sennilega oft 2 til 3 tarfar á ári, en
þetta var samt heilmikil búbót og nýmetið
alltaf vel þegið. A þessum árum er farið að
leyfa veiði á hreindýrstörfum og voru þær
veiðar á vegum þáverandi eftirlitsmanns,
Friðriks Stefánssonar á Hóli.
Fóru þá Hrafnkelsdælingar stundum á
veiðar með Friðriki og fengu þar með hlut í
þessum tarfaveiðum. Arið 1948 þegar ég
var 16 ára, fór ég í eina slíka ferð með
þremur Fljótsdælingum undir stjórn Frið-
riks. Var þá í leiðinni tekinn einn dagur í að
lagfæra Sauðakofa sem þá var orðinn hrör-
legur og virtist vera að síga niður í jörðina
og alls ekki aðlaðandi húsnæði.
Ekki man ég hvað margir tarfar voru
skotnir í þessari ferð en þó ætla ég að það
hafi verið að minnsta kosi tveir tarfar handa
hverjum.
Eg var þarna með tvo hesta undir klif-
bera og fékk tarf á hvom hest. Þessar veiðar
fóru fram á Vesturöræfum á svæðinu frá
Sauðá og út að Grjótá og vorum við að
mestu samferða við veiðarnar og höfðum
náttból í tjöldum utarlega á svæðinu og
höfðum lokið veiðinni um kvöldið eftir að
við fórum frá Sauðakofa. Um morguninn
lukum við við að tína saman veiðina og búa
upp á hestana og vorum samferða fyrsta
spölinn en þarna skammt norðan við
Grjótána skildu leiðir. Fljótsdælir tóku
stefnuna til síns heima en ég rólaði einn
með mína hesta út Tungu. Þegar búið var
106