Múlaþing: byggðasögurit Austurlands - 01.01.2001, Qupperneq 114

Múlaþing
Vaðbrekkubrœðurnir Hákon og Aðalsteinn gera að hreindýri 1964. Með þeim er Runólfur Sigurðsson
flugvélstjóri. Héraðsskjalasafn Austfirðinga 00-70-3093.
aðeins með riffla cal. 22, en við áttum báðir
eins riffla. Stóra riffilinn sem Páll var með
haustið áður hafði hann lagt á hilluna enda
alltaf vandræðavopn að hitta með. Við fór-
urn fyrst að gangnakofa sem er austan undir
Fjallaskarði og skildum þar eftir farangur
okkar og settum hestana í girðingu sem er
þar rétt hjá. Síðan fórum við að fást við
dýrin en komumst hvergi í færi við það sem
við máttum skjóta. Þá fór veður ört versn-
andi með norðlægri átt og var komin krapa-
hríð þegar við komum aftur til kofans. Þar
varð okkur fyrst fyrir að taka hestana úr
girðingunni og sleppa þeim. Við settumst
svo að í kofanum en þar sem veðrið fór
hraðversnandi varð fljótlega, svo ekki sé
meira sagt, heldur óvistlegt í því húsi. Þessi
kofi var að veggjum byggður úr torfi og
grjóti en með járnþaki sem var óeinangrað
og höfðu veggir sigið og þá á stöku stað
myndast rifur milli jáms og veggjar. Þar
snjóaði inn, því með kvöldinu gerði stórhríð
með norðan hvassviðri og snjókomu. Það
varð fangaráð okkar þegar svo var komið að
reisa tjald okkar inni í kofanum og eftir það
hlýnaði vel hjá okkur því prímus höfðum
við til að hita á kaffi og hlýja upp.
Þessi hríð hélst alla nóttina og mestan
part daginn eftir en undir kvöldið fórum við
þó aðeins á stjá að huga að dýrunum en
112