Gerðir kirkjuþings - 2008, Qupperneq 72

72
Um 38. gr.
Greinin er efnislega samhljóða 41. gr. núgildandi laga og þarfnast ekki skýringar.

Um 39. gr.
Ákvæði 1., 3. og 4. mgr. eru efnislega samhljóða 29. gr. núgildandi laga. Athygli er vakin
á því, sem var nýmæli í 3. mgr. 29. gr., að biskup Íslands geti skipað prófasta til að hafa
umsjón með tilteknum þáttum kirkjulegrar þjónustu án þess að starf prófasts sé bundið
við hin hefðbundnu prófastsdæmi. Starfssvið þess háttar prófasts gæti þannig náð til
ákveðinna staðbundinna verkefna eða landsins alls.
Ákvæði 2. mgr. á sér samsvörun í 1. gr. laga nr. 36/1931 um embættiskostnað
sóknarpresta og aukaverk þeirra, sbr. athugasemdir við 33. gr. frv.

Um 40. gr.
Um djákna er nú mælt fyrir í 47. gr. laga nr. 78/1997. Þessi grein frumvarpsins er
efnislega samhljóða 1., 4. og 5. mgr. lagaákvæðisins. Hafi djáknaefni lokið prófi frá
annarri menntastofnun en Háskóla Íslands er sami háttur hafður á og í 35. gr. frv. um
menntun prestsefna, sjá aths. við þá grein. Þá þykir rétt að Kirkjuþing kveði í
starfsreglum á um ráðningu djákna, starfsþjálfun og hvers konar þjónustu þeirra.

Um 41. gr.
Greinin er efnislega samhljóða 1. mgr. 28. gr. núgildandi laga en djáknum í föstu starfi er
nú bætt í hóp þeirra er eiga setu- og atkvæðisrétt á Prestastefnu. Þá er í stað vígslubiskupa
talað um biskupana í Skálholti og á Hólum, sbr. aths. við 26. gr. frv. Loks er talað um
þjónandi presta í stað starfandi þjóðkirkjupresta og tekur sú orðnotkun þá jafnframt yfir
sérþjónustupresta. Í niðurlagi 2. mgr. er öðrum prestum, guðfræðingum og djáknum
innan safnaða er starfa á grundvelli evangelísk-lúterskrar kirkju heimilað að sækja presta-
stefnu með málfrelsi og tillögurétti. Þetta ákvæði myndi m.a. ná til þeirra biskupa er látið
hafa af störfum.

Um 42. gr.
Greinin er efnislega samhljóða 2. mgr. 28. gr. núgildandi laga að öðru leyti en því að fellt
er brott ákvæði um að á Prestastefnu skuli fjalla um málefni prestastéttarinnar.
Prestastefna eða synódus er vettvangur biskups Íslands til að ráðgast við þjóna
Þjóðkirkjunnar um hin kirkjulegu málefni, þ.á m. um kenningu kirkjunnar og helgisiði.
Um málefni prestastéttarinnar skal á hinn bóginn fjallað á fundum Prestafélags Íslands
eða öðrum slíkum vettvangi.

Um 43. gr.
Greinin er samhljóða 62. gr. núgildandi laga, sbr. lög nr. 82/2007, og var sett til sam-
ræmis við samkomulag íslenska ríkisins og Þjóðkirkjunnar um kirkjujarðir og launa-
greiðslur til presta og starfsmanna Þjóðkirkjunnar í janúar 1997 og síðar samkomulags
sömu aðila um prestssetur og afhendingu þeirra í október 2006.

Um 44. gr.
Greinin er nýmæli. Um þær kirkjur og kirknaeignir í umsjá aðila innan Þjóðkirkjunnar
sem þinglýstar eignarheimildir ná ekki til þykir rétt að kveða svo á í lögum að þær séu