Ráðunautafundur - 15.02.2000, Qupperneq 62

54
Á sama hátt og rannsóknir og þróunarvinna er nauðsynleg til þess að hækka verð lamba-
kjöts er hún jafn nauðsynleg til þess að hægt verði að auka neyslu svínakjöts. Stöðugleiki
gæða er þar jafn nauðsynlegur og varðandi aðrar matvörur. Þránun er dæmi um vandamál sem
nauðsynlegt er að sigrast á til þess að ná jöfnum góðum gæðum. Þar sem fiskimjöl er talsvert
notað í svínafóður hér á landi er hætta á því að þránun komi fram í svínaafurðum, einkum
unnum afurðum, sem innihalda mikið af svínafitu. Þessu fylgja ýmis vandamál varðandi
geymslu og meðhöndlun og hefur borið á kvörtunum vegna aukabragðs af svínaafurðum, svo
sem pepperóni og beikoni.
Síðastliðið haust samdi starfsfólk Matra rannsóknaáætlun í samvinnu við Svínaræktar-
félag íslands þar sem markmiðið var að bæta geymsluþol og gæði svínaafurða, einkum þeirra,
sem innihalda mikla svínafitu, svo sem hjá beikoni og pepperóní. Ætlunin var að nota náttúru-
leg þráavarnarefni og rannsaka áhrif þeirra á þránun í svínaafurðum. Sótt var um stuðning til
RANNÍS en því miður fékkst eldei stuðningur við verkefnið. Reynt verður að fjármagna verk-
efnið effir öðrum leiðum.
Neysla á fuglakjöti hefur aukist mikið á undanfömum ámm. Má segja að stöðug aukning
hafi verið allt frá þeim tíma, sem heimil var sala á ferskum kjúklingum. Því miður hafa orðið
áfoll í greininni og ber þar hæst mikið camphylo bakteríu smit og öll sú umræða, sem fylgt
hefur í kjölfarið. Ég mun ekki fjalla um þau mál hér enda er eflaust um tímabundið vandamál
að ræða sem unnið er að lausn á.
Með aukinni sölu á ferskum kjúklingum munu kröfur neytenda um stöðug og góð gæði
aukast. Jafnframt mun vöruþróun aukast og má gera ráð fyrir því að eftir 5-10 ár heyri það
undantekningu til að neytendur kaupi heila kjúklinga. Reikna má með því að mest öll sala
verði í formi bita og unninna afurða. Til þess að svo megi verða er nauðsynlegt að auka til
muna alla þróunarstarfsemi, en til fróðleiks má nefna það að RANNÍS hefur einungis einu
sinni styrkt rannsóknaverkefni tengdu kjúklingum. Eitt af þeim verkefnum, sem starfsfólk
Matra telur að nauðsynlegt sé að vinna er í sambandi við marineringu á kjúklingakjöti. í dag
tekur Matra þátt í samnorrænu verkefni um marineringu en einn af þátttakendum í því verk-
efni er finnska kjötrannsóknastofnunin. Meginviðfangsefni finnanna í verkefninu eru einmitt
rannsóknir á marineringu á kjúklingum þar sem meginmarkmiðið er að afla þekkingar og
auka og jafna gæðin á marineruðum kjúklingum.
LOKAORÐ
Hér að ofan hafa einungis verið nefnd þrjú dæmi af íjölda rannsóknaverkefna, sem nauðsyn-
legt er að vinna í sambandi við það markmið að auka gæði landbúnaðarvara. Með auknum og
jafnari gæðum verður neytandinn ánægðari og traustari og jafnframt reiðubúinn til þess að
greiða hærra verð fyrir afurðimar. Með jafnari og betri gæðum mun staða landbúnaðarvara
jafnframt styrkjast gagnvart aukinni samkeppni við aðra matvöruflokka.