Morgunblaðið - 01.02.2018, Qupperneq 38

38 FRÉTTIRInnlent
MORGUNBLAÐIÐ FIMMTUDAGUR 1. FEBRÚAR 2018
SVIÐSLJÓS
Guðrún Erlingsdóttir
ge@mbl.is
„Það kom varla það fyrirmenni til
landsins að það kæmi ekki eða gisti á
Hótel Sögu og allar stórveislur voru
haldnar á hótelinu,“ segir Ingibjörg
Ólafsdóttir, hótelstjóri á Radisson
BLU Hótel Sögu í Reykjavík, sem er
betur þekkt meðal Íslendinga sem
Hótel Saga.
Hún segir hótelið hafa haft hlut-
verki að gegna og mjög margir eigi
einhverjar minningar og sögur
tengdar hótelinu.
„Það var kominn tími á ýmsar
endurbætur á hótelinu og því fórum
við út í þetta stóra verkefni að breyta
og bæta þá aðstöðu sem fyrir var,“
segir Ingibjörg.
Hún segir að með breytingunum
vonist hún til þess að nágrannarnir í
Vesturbænum, bændur víða um land
og aðrir landsmenn haldi áfram að
nýta þjónustuna og aðstöðuna sem
þar verði boðið upp á.
„Hjarta hótelsins verður á fyrstu
hæð. Þar verður hægt að koma við og
kaupa sér nýbakað súrdeigsbrauð á
leiðinni heim eða versla í Delí-
versluninni okkar ef eitthvað smálegt
vantar. Þegar endurbættur Mímis-
bar verður tilbúinn verður hægt að
slaka þar á og hitta vini og kunningja
eða fá sér að borða á nýja veitinga-
staðnum sem kemur í stað Skrúðs og
áætlað er að verði opnaður í júlí. Ef
fólk vill gera enn betur við sig þá er
Grillið með okkar frábæru verð-
launakokka á sínum stað á 8. hæð-
inni. Grillið er opið meðan á fram-
kvæmdum stendur.“
Ingibjörg segir að Súlnasalur hafi
fengið upplyftingu en haldi samt sem
áður einkennum sínum. Salurinn sé
allur bjartari eftir að léttari gardínur
hafi verið settar bæði fyrir glugga í
salnum og efri glugga.
„Súlnasalur var tæknivæddur og
eldhúsið endurnýjað. Í Súlnasal verð-
ur morgunverður framreiddur fyrir
hótelgesti og önnur veisluhöld og
skemmtanir fara þar fram,“ segir
Ingibjörg.
Hótel Saga hefur verið í eigu
Bændasamtakanna frá því að hótelið
var opnað 1962. Árið 1999 gekk hót-
elið til liðs við Radisson BLU sem er
alþjóðleg hótelkeðja.
„Í gegnum Radisson BLU tengj-
umst við meira en 1.440 hótelum um
allan heim og fáum stuðning í ýmsum
rekstrarmálum sem og sölu- og
markaðsmálum. Í samstarfinu upp-
fyllum við ákveðna staðla en höldum
einkennum okkar.“
Ný og gömul
saga á Sögu
 Hornsteinn í íslenskum hótelrekstri
Hringir Súlnasalur hefur fengið andlitslyftingu en heldur einkennum sínum. Birta kemur inn um
efri glugga sem áður voru huldir gardínum og gluggar í sal skarta léttari gardínum. Hringir koma
við sögu í hönnun Halldórs á salnum í stíl við hringtorgið fyrir utan sem tengjast átti breiðgötum.
Gersemi Ingibjörg Ólafsdóttir hótelstjóri stendur við listaverk eftir Lothar Grund sem kom í ljós þegar fram-
kvæmdir hófust á Hótel Sögu. Ingibjörg hefur staðið í ströngu á meðan endurbætur hafa átt sér stað. Hún hrósar
starfsmönnum hótelsins í hástert, sem hafa tekist á við framkvæmdir og breytingar með bros á vör.
Listaverk Horft upp stiga á milli átta hæða Hótels Sögu. Hér lék Halldór sér með form og
hringi. Í kynningu Radisson BLU á Hótel Sögu er mynd með sama sjónarhorni og þykir er-
lendum gestum gaman að sjá stigann með eigin augum þegar þeir gista á Hótel Sögu.
Morgunblaðið/Hari
Ómetanlegt Lothar Grund aðstoðaði við skreytingar á Hótel Sögu. Hér má sjá upprunalegar teikningar hans af
Dallabar og Súlnasal. Teikningar Lothars sem Hótel Sögu áskotnuðust frá syni hans fyrir stuttu prýða ný herbergi.
Morgunblaðið/Hari
 SJÁ SÍÐU 40
WeycorAR65e
þyngd 5150kg
vél: Deuzt (vatnskæld)
54KW (73hö)
Hanix H27DR
þyngd 2825kg
vél: Kubota
14,4KW (19hö)
Vinnuþjarkar
Þýsk og japönsk gæðavara
Við græjumþað
Til sjós eða lands
Opið 8:30 - 17:00 virka daga - Sími: 562 3833
asafl.is
HJALLAHRAUNI 2, 220 HAFNARFIRÐI