Morgunblaðið - 01.02.2018, Blaðsíða 47

FRÉTTIR 47Erlent
MORGUNBLAÐIÐ FIMMTUDAGUR 1. FEBRÚAR 2018
Stema kerrurCompair loftpressur
Breitt úrval atvinnutækjaBreit úrval atvinnut kja
Stema kerrurCompair loftpressur
Við græjumþað
Til sjós eða lands
Opið 8:30 - 17:00 virka daga - Sími: 562 3833
asafl.is
HJALLAHRAUNI 2, 220 HAFNARFIRÐI
Há verðlaun í fegurðarsamkeppni
á árlegri úlfaldahátíð í Sádi-Arabíu
hafa orðið til þess að sumir úlfalda-
ræktendur hafa freistast til þess að
nota fylliefni og bótox til að fegra
dýr sín. Fjórtán úlfaldar hafa verið
dæmdir úr leik vegna slíkra fegr-
unaraðgerða á mánaðarlangri úlf-
aldahátíð sem kennd er við Abdul-
aziz konung.
Hátíðin er haldin árlega með
stuðningi konungs Sádi-Arabíu og
laðar til sín fjölmarga úlfalda-
ræktendur frá löndum við Persa-
flóa. Verðlaunaféð nemur alls 57
milljónum bandaríkjadala, jafn-
virði 5,7 milljarða króna. Um
30.000 úlfaldar taka þátt í hátíð-
inni í ár.
Skipuleggjendur hátíðarinnar
hafa hafið herferð gegn fegrunar-
aðgerðunum, sem virðast hafa orð-
ið algengari vegna harðrar sam-
keppni þótt ræktendum sé refsað
þegar þeir eru staðnir að brotum á
reglunum.
Dæmi eru um að ræktendur eyði
jafnvirði hundraða milljóna króna
til að rækta gott og fagurt úlfalda-
kyn. „Sumir ræktendur hafa ekki
efni á dýrum úlföldum,“ hefur
fréttaveitan AFP eftir Abdullah
bin Naser al-Dagheri, einum dóm-
ara hátíðarinnar. „Þeir kaupa
ódýra úlfalda, sem eru ekki mjög
álitlegir, og reyna að fegra þá með
aðferðum sem eru ekki leyfilegar.
Við höfum gripið til harðra að-
gerða gegn slíkum svikum.“
Drúpandi varir, hár háls og lýta-
laus hnúður á baki eru á meðal
þess sem er talið einkenna fagran
úlfalda, að sögn AFP.
Þegar keppendurnir eru staðnir
að fegrunaraðgerðum mega úlf-
aldar þeirra ekki taka þátt í feg-
urðarsamkeppninni í þrjú til fimm
ár. Nokkrum dögum áður en úlf-
aldahátíðin í ár hófst skýrðu fjöl-
miðlar í Sádi-Arabíu frá því að
dýralæknir hefði verið staðinn að
því að setja fylliefni og bótox í úlf-
alda sem voru skráðir í keppnina.
Málið olli miklu uppnámi og marg-
ir kröfðust þess að refsingarnar
við fegrunaraðgerðum yrðu
hertar.
Auk fegurðarsamkeppninnar
fara fram úlfaldakappreiðar á há-
tíðinni. Henni lýkur í dag með at-
höfn undir stjórn Salmans, kon-
ungs Sádi-Arabíu.
AFP
Fegurð í fyrirrúmi Glæsilegir úlfaldar sýndir í fegurðarsamkeppni á árlegri hátíð í Sádi-Arabíu. Um 30.000 úlfaldar taka þátt í hátíðinni í ár og að vanda eru mjög vegleg verðlaun í boði.
Nota bótox til
að fegra úlfalda
 Dæmdir úr leik á úlfaldahátíð