Ritið : tímarit Hugvísindastofnunar - 01.10.2017, Blaðsíða 114

113
manna miðstjórn og einnig átti þar sæti formaður Sambands ungra komm-
únista. Átta nýir menn voru kosnir í miðstjórnina og í þeim hópi voru Jens
Figved og Stefán Pjetursson.5
Á flokksþinginu varð ljóst að Kommúnistaflokkurinn skiptist í tvo
arma, sem stundum voru kenndir við hægri og vinstri, og hörð átök fram
undan. Í lok vetrar árið 1933 voru deilurnar frá flokksþinginu haustið
áður komnar á það stig að nýrra tíðinda var að vænta. Á fundi miðstjórnar
Kommúnistaflokksins 17. apríl 1933 voru þungar sakir bornar á Stefán
Pjetursson og þeir Einar Olgeirsson og Haukur Björnsson fengu líka sinn
skammt. Sakirnar sem þarna voru bornar á Stefán voru margþættar, meðal
annars þessar:
Að hann hafi verið ófáanlegur til að játa villur sínar.•
Að hann telji hreint ekki útilokað að Komintern geti tekið rangar •
ákvarðanir.
Að hann haldi á lofti þeirri kenningu að mögulegt kunni að vera að •
betrumbæta sósíaldemókratana.
Að hann hafi, allt frá flokksþingi í nóvember 1932, haldið uppi •
sleitulausum og skipulegum andróðri gegn formanni flokksins.
Á Einar voru í sömu tillögu bornar eftirfarandi sakir:
Að hann telji ágreininginn milli Brynjólfs og Stefáns snúast um •
smámuni.
Að hann skilji ekki þörfina fyrir sjálfsgagnrýni og hafi í þeim efnum •
mjög tækifærissinnaðar skoðanir.
Að hann taki jafnan ranga afstöðu þegar rætt sé um tækifærisstefnu •
Stefáns.
Í tillögunni var Einar líka sagður vera á mjög alvarlegum villigötum þegar
hann talaði eins og hægt væri að skilja hið pólitíska starf frá hugmynda-
fræðinni. Haukur S. Björnsson fékk einnig harðan dóm og var staðhæft að
hann hefði skipað sér við hlið Stefáns og reynt að útbreiða villukenningar
hans. Þar að auki hefði hann á fundi miðstjórnarinnar imprað á því að rétt
kynni að vera að skipta um formann í flokknum.6
Þessi tillaga með ákærunum á Stefán, Einar og Hauk var samþykkt á
5 RGASPI 495 177 20, bls. 37–42. Skýrsla Hauks Björnssonar, f.h. Skipulagsnefndar
K.Í. 28.6.1932.
6 RGASPI 495 177 21, bls. 8–9. Samþykkt meirihluta miðstjórnar K.Í. 17.4. 1933.
BOLSÉVISERING