Saga - 2010, Blaðsíða 173

Veiting doktorsnafnbótar í heiðurs-
skyni til Ólafíu einarsdóttur
Sunnudaginn 29. nóvember 2009 veitti Sagnfræði- og heimspekideild á
Hugvísindasviði Háskóla Íslands Ólafíu einarsdóttur, dósent emeritus við
Háskólann í kaupmannahöfn, doktorsnafnbót í heiðursskyni. Hér á eftir
fara ávarp og erindi sem flutt voru við athöfnina, sem fram fór í Hátíðarsal
Háskóla Íslands.
eggert þór bernharðsson
Ávarp
Ólafía einarsdóttir fæddist í Hafnarfirði 28. júlí 1924. Foreldrar hennar voru
hjónin einar Þorkelsson og Ólafía Guðmundsdóttir. einar var prestssonur
frá Borg á Mýrum, rithöfundur og skrifstofustjóri Alþingis. Ólafía Guð -
mundsdóttir var frá Hörgsholti í Hrunamannahreppi, Árnessýslu. Móður
sína missti Ólafía fimm ára gömul og nokkru síðar veiktist faðir hennar og
missti sjón. Hún ólst þá upp í nokkur ár hjá móðurbróður sínum og konu
hans á oddgeirshólum í Flóa og var síðar í fóstri í Reykjavík. Fósturforeldrar
hennar voru Jón e. Ólafsson hæstaréttarlögmaður og kona hans, Margrét
Jóns dóttir. Jón var austfirskur og forstjóri Líftryggingafélagsins Andvöku og
síðar Samvinnutrygginga. Margrét var dóttir síðustu ábúenda í Skólabæ við
Suðurgötu í Reykjavík og erfði lóðina. Þarna ólst Ólafía upp sem einkabarn
Skólabæjarhjóna.
Ólafía lauk stúdentsprófi frá Menntaskólanum í Reykjavík árið 1944. Þá
lauk hún prófi í forspjallsvísindum við Háskóla Íslands. Hún fékk hinn eftir -
sótta fjögurra ára ríkisstyrk, sem veittur var einum stúdent á ári til náms
erlendis, og varð fyrst kvenna til að hljóta hann. Síðla árs 1949 lauk hún BA-
prófi í fornleifafræði frá the Institute of Archaeology, University College,
London og félagslegri mannfræði sem aukagrein frá the London School of
economics and Political Science. Leiðbeinandi hennar í fornleifafræði var
hinn víðþekkti fornleifafræðingur Gordon Childe. Meðal kennara hennar í
Saga XLVIII:1 (2010), bls. 173–193.
H e I Ð U R S D o k T o R
Saga vor 2010 — NOTA (9.5.)_Saga haust 2004 - NOTA 11.5.2010 12:53 Page 173