Breiðfirðingur - 01.05.2018, Qupperneq 90

BREIÐFIRÐINGUR90
hét sendandinn fullu nafni, genginn
í kanadíska herinn og lá særður á
sjúkrahúsi við Millroad í Liverpool.
Töldu Skálanessystkinin einhlítt að
„Halli frændi“ hefði látist af sárum
sínum og væri grafinn einhverstaðar
á Englandi þar sem ekkert hafði
spurst til hans síðan bréf þetta barst.
Nú gerðist ég alvarlega forvitinn og
einsetti mér að hafa upp á því hvar
Halli frændi væri grafinn og stóð sú
rannsókn yfir í hartnær tíu ár, með
hléum, áður en niðurstaða fékkst.
Fyrsta skrefið var að lesa þær
Vestur­Íslendingabókmenntir sem
völ var á á Amtsbókasafninu og
þá aðallega Minningabók íslenzkra
hermanna, sem gefin var út í Winnipeg árið 1923. Hallgrímur Sigurðsson er ekki
skráður í þá bók en þó örlar á honum í formála bókarinnar undir nafninu Hurley
Gillis, sem hann tók upp þegar hann gekk í kanadíska herinn. Í formálanum er
hann ranglega talinn vera Kanadamaður tengdur íslenskri fjölskyldu. Mátti af
þessu ljóst vera að Hallgrímur hefði fljótlega misst öll tengsl við vestur­íslenska
samfélagið í Manitoba þannig að lítið gagn væri að því að leita upplýsinga um
hann í þeirri átt. Þess í stað sneri ég mér til kanadíska sendiráðsins sem benti mér á
stofnun um málefni fyrrum hermanna (Veterans Affairs). Þeir vísuðu mér áfram á
umsjónarmenn hermannagrafreita samveldisins (The Commonwealth Wargraves
Commission). Ég hafði samband við þá bæði í Kanada og á Bretlandi en þrátt
fyrir stórgóða þjónustu þessara aðila, sem sendu mér gögn yfir alla þá sem þeir
höfðu á skrá með tilteknum nöfnum, kom allt fyrir ekki og engar upplýsingar
fundust um legstað Hallgríms Sigurðssonar.
Eftir að hafa jafnað mig á þessari blindgötu tók ég að skoða gögn á heimasíðu
Kanadíska þjóðskjalasafnsins (The National Archives of Canada). Þar fann ég
eftir nokkra leit gagnagrunn yfir kanadíska hermenn úr fyrri heimsstyrjöldinni
(The Canadian overseas expeditionary force database) og hóf að leita í honum.
Ég prófaði nöfnin Hallgrímur Valgeir Sigurðsson og Hurley Gillis í öllum
Hallgrímur Valgeir Rósinkrans Sigurðsson