Breiðfirðingur - 01.05.2018, Side 107

BREIÐFIRÐINGUR 107
Gunna á Fossi
Guðrún Ester Magnúsdóttir lést á hjúkrunarheimilinu Mörk í Reykjavík, þriðjudaginn 3. október 2017. Útför hennar var gerð frá Staðarhólskirkju
í Saurbæ 11. október.
Ég hitti hana síðast þar sem hún
var viðstödd fyrirlestur um Jón
Thoroddsen. Þetta var á Nýp hjá þeim
Þóru og Sumarliða. Ég tók hana þá
tali og samdi um það við hana að ég
kæmi einhvern tímann og tæki við
hana viðtal. Svo festi ég dag til að
heimsækja hana á Fossi. Þá var kolvit­
laust veður. Frestaði þessu og ætlaði
að fara seinna að taka viðtal fyrir þetta
hefti af Breiðfirðingi. Gunna á Fossi
var eins og partur af náttúrunni; það
var rétt eins og að horfa á Tjaldanes
eða Fagradal eða Hafratind að horfa
á hana. Falleg, upprétt, skýr. Engum
dauðlegum manni kemur til hugar
að svoleiðis fólk deyi nokkurn tím­
ann. Aldrei deyr Tjaldanes og ekki
Fagridal ur og enn síður Hafratindur.
Aldrei datt mér í hug að ég ætti að tala við Gunnu á Fossi af því einu að hún væri
100 ára; aldurinn var fullkomið aukaatriði í málinu. Hún var fróð og vissi sínu viti.