Breiðfirðingur - 01.05.2018, Síða 97

BREIÐFIRÐINGUR 97
fulla þjónustu seinni part nóvembermánaðar. Þá er hann sendur til Woodcote
Park, en þar voru einar af þjálfunarbúðum kanadíska hersins. Herskýrslurnar frá
þessum tíma innihalda fátæklegar upplýsingar um ferðir Hallgríms. Á þessum
tíma kynnist hann framtíðarkonuefni sínu sem var frá Hastings í Sussex. Eftir
frásögn Joyce dóttur hans fóru Hallgrímur og félagi hans úr hernum í leyfi til
Hastings. Inni í einni versluninni hittu þeir stúlku sem þeim leist báðum vel á, en
Hallgrímur hafði vinninginn.
Þótt þess sé ekki getið í herskýrslunum er líklegast að Hallgrímur hafi verið
sendur til CCAC (miðstöðvar fyrir særða kanadíska hermenn) í Hastings. Þann
19. janúar 1917 fær Hallgrímur leyfi frá kanadíska hernum til þess að ganga í
hjónaband. Þann 10. mars er Hallgrímur fluttur í óvirka herþjónustu í Hastings
og þann 17. sama mánaðar gengur hann að eiga heitkonu sína Annie Santer, frá
St. Leonards­on­sea, sem er hluti af Hastings. Í Has tings var Hallgrímur hluti af
2 CCD (endurþjálfunarstöð fyrir særða hermenn) og er þar fram í ágústmánuð.
Í júní byrjun hlaut hann „Good conduct badge“, væntanlega fyrir framgöngu
sína við Fleurs­Courcelette. Í byrjun ágúst er hann tekinn inn í 15. Kanadíska
varaherinn og sendur til herbúðanna í Bram shott við Aldershot, en þar hafa
löngum verið að al herbúðir breska hersins. Meðan hann var í Bramshott veiktist
Hallgrímur af magabólgu
(gastritis) og lá á hersjúkrahúsi
í rúman mánuð. Meðan hann
lá lýsir Hallgrímur Valgeir
Rósinkrans Sigurðsson því
yfir að héðan í frá sé nafn hans
Hurley Gillis og er þar um
endanleg nafnaskipti að ræða.
Þann 21. mars 1918
hóf þýski herinn stórsókn
til að reyna að knýja fram
sigur, áður en yfirburðir
bandamanna bæði í mannafla
og aðdráttum næðu fram
að ganga. Þjóðverjar höfðu
þegar þarna var komið á að
skipa 50 viðbótarherdeildum Annie Santer og Hallgrímur, brúðkaupsmynd.