Breiðfirðingur - 01.05.2018, Qupperneq 93

BREIÐFIRÐINGUR 93
að veiða og verka síld
við Íslandsstrendur.
Samkvæmt hinni stór­
merku Vesturfaraskrá
Júníusar H. Kristinssonar
fara feðgarnir Sigurður
Gíslason 42 ára og
Sigurður Sigurðsson 10
ára frá Seyðisfirði árið
1903. Þó aldri föðurins
beri þarna ekki saman
við kirkjubækur er ekki
aðra að hafa í skránni
sem um gæti verið að
ræða. Engin ummerki
er hins vegar að finna
um það í skránni hvenær
Sigurjón Markús fór af
landi brott.
Árið 1910 hleypir
Hallgrímur Sigurðsson
heimdraganum og
fer til fundar við föður sinn og bræður í Kanada. Leiðin lá fyrst til New York
og þaðan til „höfuðborgar Íslendinga í Vesturheimi“, Winnipeg í Manitoba.
Hallgrímur settist að í West­Selkirk sem er bær við Rauðána, um 22 kílómetra
fyrir norðaustan Winnipeg. Þar leigði Hallgrímur herbergi hjá eldri hjónum og
tók til við að nema úra­ og skartgripasmíði. Eftir að hann varð fullnuma í faginu
fór Hallgrímur í langt ferðalag til þess að skoða sig um í Ameríku. Hann fór
vestur að Kyrrahafi og niður til Bandaríkjanna. Hann hefur unnið fyrir sér á
ferðalaginu því að samkvæmt bréfi er hann ritaði móður sinni í febrúar 1914 fór
hann blankur af stað, en kom heim með 300 dollara upp á vasann. Hallgrímur
var ekkert að tvínóna við hlutina. Hann hafði komið aftur til West­Selkirk strax
eftir jólin 1913 og verið tekið eins og glötuðum syni af sínum gömlu leigusölum.
Um miðjan febrúar, þegar hann ritar bréfið, hefur hann leigt sér verslunarhúsnæði
og keypt öll nauðsynleg tæki og tól til þess að fara út í sjálfstæðan rekstur sem
Inga á Skálanesi.