Tímarit Máls og menningar - 01.02.2010, Blaðsíða 42

Á r n i F i n n s s o n
42 TMM 2010 · 1
Kaupmannahöfn
Árið 2009 stóðu samningafundir á vegum Rammasamningsins í sam­
tals 10 vikur, auk annarra funda þar sem aðgerðir gegn loftslagsbreyt­
ingum voru til umræðu. Eftir alla þessa samningavinnu þótti sýnt að
ekkert yrði af lagalega bindandi samkomulagi sem gæti fært mannkyn
aðeins fjær bjargbrúninni. En þá hófu þjóðarleiðtogar að boða komu
sína til Kaupmannahafnar og lýstu þar með yfir vilja sínum til að ná
samkomulagi. Skriðþunginn jókst töluvert eftir að Bandaríkjaforseti til­
kynnti að hann myndi taka þátt í fundi þjóðarleiðtoga 16.–18. desember.
Nú þótti að minnsta kosti mögulegt að ná pólitískt bindandi samkomu­
lagi sem undirritað yrði af öllum helstu þjóðarleiðtogum heims og
kvæði beinlínis á um það markmið að ná lagalega bindandi sáttmála í
Mexíkó árið 2010.
Segja má að fyrir fundinn í Kaupmannahöfn hafi ríkt samstaða um
eftirfarandi:
að hinar ríku þjóðir heims verði að taka forustu um verulegan •
samdrátt í útstreymi gróðurhúsalofttegunda.
að þróunarríkin verði takmarka útstreymi gróðurhúsaloftteg­•
unda í hlutfalli af þjóðarframleiðslu – bremsa aukninguna.
að iðnríkin fjármagni aðgerðir í þriðjaheimsríkjum til að draga úr •
hlutfallslegri losun.
að iðnríkin greiði fyrir aðlögun fátækra þjóða vegna breytts lofts­•
lags, hækkunar yfirborðs sjávar og erfiðleika við matvælafram­
leiðslu.
Á hinn bóginn ríkti engin samstaða um hversu mikið einstök iðnríki
eða hópar iðnríkja skyldu draga úr útstreymi gróðurhúsalofttegunda og
engin samstaða var um hversu mikið stór þróunarríki á borð við Ind­
land og Kína skyldu bremsa aukningu í útstreymi gróðurhúsaloftteg­
unda.
Þjóðarleiðtogar mæta til leiks
Að lokinni fyrri viku samningaviðræðnanna í Kaupmannahöfn blasti
við að þær samningaviðræður sem hófust eftir Bali­ráðstefnuna í des­
ember 2007 myndu ekki skila tilætluðum árangri. Veganestið frá Bali
var mun rýrara en stundum mátti ráða af yfirlýsingum því það eina sem