Tímarit Máls og menningar - 01.06.2016, Blaðsíða 5

B r é f S i g u r ð a r N o r d a l s t i l N ö n n u
TMM 2016 · 2 5
styrjaldarinnar). Bréfin eru mjög opinská og skrifuð til fyrri eiginkonu hans,
hinnar sænsku Nönnu Boëthius, sem hann var giftur meðan hann dvaldi
erlendis. Hún hefur hingað til verið nær óþekkt, bæði í Svíþjóð og á Íslandi,
en bréfin – sem hafa varðveist hjá barnabarni hennar, frú Elisabet Björklund
í Skara – sýna að hún var mikilvæg fyrir líf Sigurðar Nordals og vitsmuna-
legan þroska hans þótt hún fylgdi honum ekki heim til Íslands og sé aldrei
nefnd í prentuðum ritum hans.
Sigurður og Nanna hittust fyrst á baðstaðnum Alsbäck utanvið Lysekil í
júlí 1913. Hann var þá 27 ára, doktorsnemi við Kaupmannahafnarháskóla
undir handleiðslu Finns Jónssonar og vann að útgáfu á Orkneyingasögu
með fram doktorsritgerðinni um Ólafs sögu helga. Á þessum tíma dreymdi
hann líka um að verða skáld, hafði birt nokkrar smásögur í tímaritum en var
ennþá nokkuð óráðinn um framtíð sína. Átti hann að verða fræðimaður eða
skáld? Hann var ekki í föstu sambandi en hafði átt nokkur tilfallandi en ekki
alvarleg ævintýri með ungum stúlkum.
Nanna var átta árum eldri en hann, fædd Henriksson, menntuð sem kenn-
ari frá kennslukvennaskólanum í Stokkhólmi, þar sem meðal samnemenda
hennar var Emilia Fogelclou sem seinna varð þekktur rithöfundur. Rétt eins
og Emilia hafði Nanna áhuga á bókmenntum og menningarlegan metnað
en hún var atvinnulaus og hafði síðan 1904 verið heimavinnandi húsmóðir í
óhamingjusömu hjónabandi með lögmanninum Teodor Böethius í Västerås.
Hún kom til Alsbäck ásamt þremur ungum börnum sínum og vinkonu sinni,
Nanna Boëthius. Sigurður Nordal. Æskumynd úr fórum
Nönnu.