Studia Islandica - 01.06.1967, Side 64

62
Þar eð Kjalnesinga saga er lögð til grundvallar, eru að
sjálfsögðu hvergi nærri öll kurl komin til grafar með Hauk.
Hann hefur þekkt furðu mörg rit og vafalaust sum, sem nú
eru glötuð. Hér skulu aðeins nefnd örfá dæmi til viðbótar
því, sem áður var rakið.
1 Landnámu í Hauksbók segir nánar um Ketil brimil og
ætt hans en segir í Sturlubók. 1 Hauksbók er m. a. þessi
setning: „hann for til Hialltlandz með Torf-Einari,“ en þetta
er ekki í Sturlubók.1 f Haralds sögu hárfagra segir: „Sigldi
Einarr um haustit vestr um haf. En er hann kom til Orkn-
eyja.“ 2 í Orkneyinga sögu segir: „Einarr sigldi vestr til
Hjaltlands, ok dreif þar lið til hans. Eptir þat fór hann suðr
í Orkneyjar.“ 3 Þetta getur bent til þess, að Haukur hafi
þekkt Orkneyinga sögu. Orkneyjajarlar voru komnir af
Kjarvali frakonungi, en til hans rekur Haukur ætt sína, sjá
5.6. Jón Jóhannesson nefnir, að Haukur hafi e. t.v. á einum
stað stuðzt við inngang Orkneyinga sögu.4
í Sturlubók Landnámu segir: „HaRalldr eN harfagri
heriadi vestr vm haf sem ritat er i saugu hans. Hann lagdi
vndir sik allar Sudreyiar svo langt vestr at engi hefir siþan
lengra eignast.“ 5 6 Við þetta bætir Hauksbókartexti: „engi
Noregs konungr .. . vtan Magnus konungr Berbeinn.11 6
Þetta sýnir þekkingu á Magnúss sögu berfætts. Samkvæmt
rakningu í Hauksbók var Steinunn, kona Hauks, 6. maður
frá Magnúsi berbein.7
í Fóstbræðra sögu, texta Flateyjarbókar, segir frá því, að
Þórarinn ofsi og menn hans komu í Eyjafjörð: „þa aðu þeir
þar skamt fra Naustum.“ Sama örnefni er í AM 142 fol.
1 Landnámabók 1900, 80.
2 Heimskringla 1 1941, 129.
3 Orkneyinga saga 1965, 11.
4 Jón Jóhannesson 1941, 199.
5 Landnámabók 1900, 133, sbr. Öláfs saga Tryggvasonar en mesta /
1958, 269. Jón Jóhannesson 1941, 123-124, telur, að Sturla hafi hér stuðzt
við Orkneyinga sögu.
6 Landnámabók 1900, 10.
7 Landnámabók 1900, 104.