Strandapósturinn - 01.06.1981, Side 76

Reykjarfirði voru óþrjótandi slægjur, enda fengu margir þar
talsverðan heyfeng með góðu móti því fljóttekinn gat verið hver
hestburðurinn. Bömin voru oft með Guðmundi, sló þá í leik milli
þeirra og okkar barna sem voru á líkum aldri og fór einatt vel á
með þeim. Snemma kallaði starfið á lítt þroskaða krafta sem
bernskuleikir viku fyrir fyrr en æskilegt hefði verið. Milli
Naustvíkur barna og minna barna tókst svo traustur vinskapur
að hann hefur enst til þessa dags, og hvað mér sjálfri viðkemur er
vinum að mæta þegar fundum ber saman líkt og áður fyrr þá
komið var að Naustvík.
Steinunn og Guðmundur fluttu til Reykjavákur haustið 1967.
Flest börn þeirra voru þá orðin búsett hér syðra. Öll eru börnin
hvert öðru duglegra og mannvænlegra. Samt stóð hugur gömlu
hjónanna til heimabyggðar og á sumrin dvöldu þau alltaf í
Naustvík.
Árið 1972, 2. apríl, andaðist Guðmundur Árnason. Þrátt fyrir
það hélt Steinunn uppteknum hætti og enn í dag dvelur þessi 83
ára kona sumarlangt í Naustvík og veitir móttöku gestum og
gangandi með prýði og enn er gestkvæmt í Naustvík, hjá Stein-
unni dvelja oft börn hennar í sumarfríum sínum og eitthvað af
barnabörnum hennar dvelja hjá henni á sumrin.
74