Strandapósturinn - 01.06.1981, Síða 118

n
Kristjánsson
Kjörseyri
Kveðja frá
Átthagafe'lagi Strandamanna
í Reykjavík
Þann 12. ágúst síðastliðinn andaðist formaður ritnefndar
Strandapóstsins, Jón Kristjánsson frá Kjörseyri. Við fráfall hans
er höggvið vandfyllt skarð í okkar hóp.
Jón Kristjánsson var í ritnefnd Strandapóstsins óslitið frá 1973
og formaður síðustu árin. Búið var að ganga frá öllu efni í þetta
hefti, 15. árgang, er Jón féll frá.
Strandapósturinn hefur komið út árlega síðan 1967. Ritið
hefur verið tengiliður milli fólksins heima og heiman. I því hefur
jafnan mátt finna mikinn sögulegan fróðleik. Ég get með sanni
sagt að Pósturinn hefur verið stolt Átthagafélagsins.
Jón Kristjánsson var um árabil einn af ötulustu stuðnings-
mönnum Strandapóstsins. Hann var hinn ágætasti félagsmála-
maður, ósérhlífinn og allt sem hann tók sér fyrir hendur gerði
hann af lífi og sál. Jón skrifaði mikið í ritið enda prýðilega ritfær
og áhugasamur um þjóðlegan fróðleik.
Ég færi Jóni Kristjánssyni hugheilar þakkir fyrir ágætt og
fómfúst starf í þágu Strandapóstsins. Það starf verður seint full-
metið.
116