Strandapósturinn - 01.06.1981, Blaðsíða 110

og einn á fjallvegi millum Geiradals og Steingrímsfjarðar og
marga hefur kalið sem síðan liggja rúmfastir.
Afli við sjó hefur verið á þessu tímabili í góðu lagi við Stein-
grímsfjörð í haust og talsverður afli þar af hákarli í vetur upp um
is bæði á Smáhömrum við Steingrímsfjörð að sögn yfir 300
hákarlar komnir þar á land annarsstaðar lítið, lítill hákarlsafli
við ísafjarðardjúp og enginn i vetur bæði vegna illviðra og isa-
laga svo að enginn bátur hefur komist þar á flot vegna ísa nema
stöku sinnum úr Bolungarvik og þá aflalaust.
Sögð eru mikil bágindi úr því plássi með bjargræði því að lítið
er þar til í kaupstöðum og lán fæst þar ekki vegna skulda fyrri en
að afli fæst úr sjónum að sjáist færi á að borga og margir segja sig
þar til sveitar sem áður hafa þótt bjargálna menn.
Af heybyrgðum manna hér um pláss eru þau að meiri hluti
bænda komast á einmánuð enda er þá búið að gefa inni öllum
skepnum frá 20 til 23 vikur, fáir geta gefið fram á vor og sumir
eru nú lika uppiskroppa fyrir fé og hross og farnir að koma fyrir,
þvílíkt og ekki betra er að frétta úr Dalasýslu svo að undir því er
komið að veðuráttan batni fram úr páskum annars er fyrirsjá-
anlegur peningsfellir meiri og minni hér hjá almenningi.
Heilsufar fólks hefir hér vestra á þessu tímabili mátt heita gott
og engin umferðarsýki gengið nema lítilsháttar kvef. Enginn
nafnkenndur dáið.
Úr bréfi úr Skaptafellssýslu
3. apríl 1881
Héðan er helst að frétta hin sömu harðindi og gengið hafa yfir
allt í vetur, hér hafa verið fádæma gaddar frá 15 til 20 stig.
Hafísinn kom hér með þorra og hefur verið af og til síðan,
stundum rekið til hafs í norðanhríðum en rekið jafnharðan að
landi aftur en í dag má ríða allan Hornafjörð á ísum og elstu
menn muna ekki slík ísalög.
Allt fram að góulokum voru hér í Nesjahrepp allgóðir hagar
og eins í Borgarhafnar- og Hofshreppum, allsjaldan gaf að beita
fénaði vegna gadda og storma. Tveir hvalir drápust í ísnum fram
undan Suðursveit og náðist nokkuð af þeim báðum en ekki nærri
108