Strandapósturinn - 01.06.2014, Page 10

8
var að kynna félögin og keppnina í fjölmiðlum og fóru fulltrúar
félaganna í viðtöl á Útvarpi Sögu og Rás 2.
Þá var kaffidagurinn með hefðbundnu sniði 5. maí. Félagar eru
alltaf reiðubúnir að mæta með bakkelsi og er þetta sannkallaður
fjölskyldudagur.
Aðalfundur félagsins var haldinn 7. maí. Hann var einnig með
hefðbundnu sniði. Formaður flutti skýrslu stjórnar og gjald keri
skýrði reikninga. Breyting varð á stjórn þar sem Íris Aðalheiðar-
dóttir og Sigfús Eiríksson gáfu ekki kost á sér áfram og eru þeim
þökkuð störf fyrir félagið. Inn í stjórn komu Ingibjörg Marels-
dóttir og Þorbjörg Eyrún Ingimarsdóttir. Voru þær boðnar vel-
komnar í stjórn. Húsnefnd var öll endurkjörin og er henni þakkað
mjög gott starf. Þá er ritnefnd og framkvæmdastjóri Stranda-
póstsins óbreytt og er þeim þakkað frábært starf. Þá stóð Páll
Kristbjörn Sæmundsson, framkvæmdastjóri Strandapóstsins, og
Jóna Ingibjörg Bjarnadóttir að því að flokka gömul hefti Stranda-
póstsins og gera úr þeim söfn misstór og hefur gengið þokkalega
að selja þau. Strandasel, sumarhús Átthagafélagsins, var leigt út í
13 vikur og þökkum við nefndinni fyrir hennar vinnu við húsið.
Sumarferð var farin til Vestmannaeyja og áttu þær Brynja
Bjarnadóttir og Guðríður Pálsdóttir allan heiður af henni.
Í september var haldinn stjórnarfundur þar sem rætt var um
vetrarstarfið og haustballið. Ballið var haldið fyrsta vetrardag en
hann losnaði þar sem Breiðfirðingar hættu við sitt ball vegna
lítillar þátttöku. Nú, það má segja að þátttakan hjá okkur hafi
ekki verið næg; þó reyndum við að opna húsið fyrr þannig að
hægt væri að mæta tímanlega og spjalla. En það nægði ekki. Það
er samt von okkar að við getum haldið þessari hefð, að hafa
haustfagnað, hugsanlega með öðru sniði.
Þá var komið að því að undirbúa þorrablótið í janúar, fá veislu-
stjóra, skemmtikrafta og hljómsveit – og um leið að halda kostnaði
niðri. Einnig var farið að funda með öðrum átthaga félögum um
næstu spurningakeppni sem reiknað er með að hefjist í lok janúar.
Að lokum vil ég þakka öllum þeim sem starfað hafa í stjórnum
og nefndum Átthagafélagsins frábært samstarf og þeim sem
komu og nutu þess sem félagið bauð upp á.
Jón Ólafur Vilhjálmsson
formaður Átthagafélags Strandamanna