Strandapósturinn - 01.06.2014, Qupperneq 12

10
menn höfðu gaman af söng eins og við og varð mikil skemmtun
af þessu. Ekki spillti fyrir að í ljós kom að ungi „steggurinn“ var
Strandamaður… Eftir kvöldverð fórum við í smá rútuferð um
staðinn. Nokkrir ferðafélagar miðluðu af þekkingu sinni svo úr
varð fróðleiksferð í leiðinni.
Eftir morgunmat næsta dag fórum við í heimsókn í Höfðaból,
til hjónanna Halldóru og Árna Johnsen. Þetta var óvænt uppá-
koma í ferðinni og var hún alveg ógleymanleg. Þau hjón opnuðu
húsið sitt fyrir okkur, buðu upp á kaffi og súran hval. Árni sagði
skemmtilegar sögur og Halldóra kom oft á tíðum með glettileg
innskot og þá sérstaklega ef henni þótti hann vera farinn að fara
frjálslega með sannleikann. Árni sagði okkur meðal annars sögu
um stein sem hann sá og fékk í lóðina til sín. Þessi steinn er með
gróp í en Árni vildi hafa hana stærri því að hún var bara fyrir einn
en hann vildi hafa sæti fyrir tvo. Áhöld sem notuð voru á steininn
ýmist bognuðu eða brotnuðu og komst Árni að því að þetta væri
álfasteinn og ekki mætti eiga við hann. Þessi steinn er einn af
fjölmörgum steinum sem Árni hefur sankað að sér bæði héðan af