Strandapósturinn - 01.06.2014, Qupperneq 28

26
Átthagafélag
Strandamanna
Viðtal við Guðrúnu Steingrímsdóttur
Páll Kristbjörn Sæmundsson tók saman
Á síðasta starfsári fagnaði Átthagafélag Strandamanna 60 ára afmæli
sínu en félagið hafði þá starfað óslitið frá stofnfundi 6. febrúar 1953.
Á þessum tímamótum er áhugavert að líta um öxl og rifja upp starf-
semi félagsins. Leitað var til Guðrúnar Steingrímsdóttur, fyrr verandi
formanns félagsins, en hún byrjaði að vinna í skemmtinefnd Átt haga-
félagsins árið 1982. Guðrún var svo kosin í stjórn árið 1987 og tók við
formennsku árið 1992 sem hún sinnti fram til ársins 2012. Guðrún
hefur því unnið fyrir félagið í þrjá áratugi eða um helming þess tíma
sem það hefur starfað.
Formáli
Þó svo að starf félagsins hafi verið í nokkuð föstum skorðum á
þessum 30 árum sem ég var viðloðandi í félagsstarfi Átt haga-
félagsins hefur vissulega margt breyst. Átthagafélag Stranda-
manna hefur þróast í takt við samfélagsbreytingar líkt og önnur
sambærileg félög. Þó svo að helstu samkomur félagsins hafi verið
þær sömu í gegnum tíðina er framkvæmdin í sumum tilfellum
önnur. Félagsstarfið var keyrt meira áfram í sjálfboðavinnu hér
áður og aðkeyptri þjónustu haldið í lágmarki. Í raun var starfsem-
in meiri í þeim skilningi að þeir sem voru í nefndum og stjórn-
um eða aðrir virkir félagsmenn komu beint að vinnu við starf-
semi félagsins. Gott dæmi um það er bygging Strandasels sem er
sumarhús félagsins. Sama má segja um vinnu við undirbúning
þorrablóta sem var umfangsmeiri þá en hún er í dag. Það má þó
ekki skilja mig svo að félagsstarfið sé lítið nú heldur þvert á móti
eru margir að vinna mikið og gott starf fyrir félagið. Aðeins það
að breyttir tímar kalla á nýtt fyrirkomulag, nýja siði og venjur.