Strandapósturinn - 01.06.2014, Qupperneq 31

29
vann sem einn í því sem þurfti að gera. Við vorum í raun að
létta verk sem hafði lagst á fimm konur með því að láta fleiri
vinna sömu vinnuna. Þetta varð léttara og skemmtilegra auk þess
sem makar stjórnar- og nefndarmanna kynntust betur í gegnum
þessa vinnu. En vissulega hélst einhver verkaskipting, til að
mynda við matarundirbúninginn þar sem við konurnar sáum
um eldamennskuna á meðan karlarnir skáru niður hákarl, rifu
harðfisk og tóku utan af rófum svo eitthvað sé nefnt. Mikil stemn-
ing skapaðist í tengslum við undirbúninginn og ekki var það til
að skemma að hafa maka nefndarmanna með í öllu þessu. Það
lýsir kannski vel andanum sem þarna skapaðist að föstudagur-
inn fyrir þorrablót var manna á milli oftar en ekki nefndur fyrsti
í þorra.
Það gekk ekki alltaf vel að fá allt það sem þurfti fyrir þorra-
blótið og stundum varð að gera sérstakar ráðstafanir. Mér er
sérstaklega minnisstætt hversu illa gekk að fá maríneraða síld
fyrir þorrablótið 1987 þrátt fyrir mikla leit. Engin síld fékkst í
Ljósm.: Helgi Jónsson.
Á þorrablóti félagsins í Domus Medica. Frá vinstri: Þorsteinn Ólafsson,
Laufey Eysteinsdóttir, Fjóla Arndórsdóttir, Laufey Sófusdóttir, Fjóla Lofts­
dóttir, Lilja Árnadóttir, Anna Andrésdóttir.