Strandapósturinn - 01.06.2014, Side 38

36
Til að byrja með voru þetta helgarferðir og var það þannig þegar
ég hóf að starfa fyrir félagið. Fljótlega eftir að ég tók við sem
formaður prófuðum við að fara vikuferðir og gaf það góða raun
og hefur sá háttur verið hafður á fram til þessa.
Það er svo sem engin ástæða til að rekja einstakar ferðasögur
hér þar sem ágætis grein hefur verið gerð fyrir þeim í Stranda-
póstum síðustu ára. Þó má nefna það að ferðaglaðir Stranda-
menn hafa heimsótt alla landshluta, hálendið og byggðar eyjar
á landinu. Auk þess voru nágrannalönd okkar heimsótt sem
og lönd í Evrópu. Sumarferðir stóðu alveg sjálfar undir sér og
var ferðakostnaður greiddur af þeim sem fóru ferðina í það og
það skipti. Í nokkur ár bauð félagið upp á súpu fyrir fólkið á
heimleiðinni en síðar var hótelafsláttur fararstjóra nýttur til að
halda þeirri hefð.
Síðasta ferðin mín var sex daga ferð hringinn í kringum
landið árið 2012 sem ég segi frá í 45. árgangi Strandapóstsins.
Þá höfðum ég og maðurinn minn farið í alls 27 sumarferðir með
félaginu. Í formannstíð minni hafði sú hefð skapast að við hjónin
buðum þeim sem fóru í sumarferðina heim til okkar seinna um
haustið þar sem ferðin var rifjuð upp í máli og myndum. Var
sumarferðinni í raun ekki lokið fyrr en eftir það kvöld.
Strandapósturinn og Kór Átthagafélags Strandamanna
Það er ekki hægt að fara yfir starfsemi félagsins án þess að minn ast
á Strandapóstinn og Kór Átthagafélags Strandamanna. Kórinn
starfar alveg sjálfstætt en Átthagafélagið hefur alltaf staðið við
bakið á honum og verið stolt af tilvist hans. Þetta hefur skapað
ákveðna breidd í félagsstarfinu og gott að vita til þess að Stranda-
menn hafi sig í frammi á sem flestum sviðum. Árlega er gerð góð
grein fyrir starfi kórsins í Strandapóstinum og læt ég því nægja
að nefna það hér.
Strandapósturinn er afsprengi Átthagafélags Strandamanna
og hefur verið samofinn starfsemi félagsins. Rekstur Strandapósts-
ins og Átthagafélagsins er undir sama hatti en útgáfan sjálf er
í hönd um framkvæmdastjóra og ritnefndar sem Átthagafélagið
skipar. Þar eru allar ákvarðanir teknar um efni bókanna. Á þeim
tíma sem ég var formaður var Helgi Jónsson framkvæmdastjóri