Strandapósturinn - 01.06.2014, Side 39

37
Ljósm.: Helgi Jónsson.
Unnið að pökkun Strandapóstsins, myndin er tekin heima hjá Haraldi.
Frá vinstri: Óskar Jónatansson, Gísli Ágústsson, Haraldur Guðmundsson,
Þorsteinn Ólafsson.
Strandapóstsins og áttum við gott samstarf saman en Helgi var,
eins og margir þekkja, ötull í starfi sínu fyrir félagið.
Það stendur til að þessi greinarstúfur birtist í 46. árgangi Stranda-
póstsins þannig að árgangarnir eru orðnir ansi margir. Þó að
ég hafi ekki lagst í neina sérstaka rannsókn á því tel ég að það
hljóti að vera nokkuð sérstakt að hafa gefið út átthagarit samfellt
í næstum hálfa öld.
Að lokum vil ég þakka öllum þeim sem störfuðu með mér í
félaginu á þessum árum. Ég hlakka til að taka þátt í félagsstarfinu
nú sem félagsmaður enda veit ég að félagið hefur úr miklum
mannauð að spila þegar kemur að því að finna fólk í stjórn og
nefndir. Óska ég þeim sem nú starfa fyrir félagið velfarnaðar í
starfi. Ég vona svo sannarlega að Átthagafélag Strandamanna
eigi eftir að vera órjúfanlegur þáttur í viðleitni okkar Stranda-
manna til að halda tengslum við heimahagana.