Strandapósturinn - 01.06.2014, Side 40

38
Georg Jón Jónsson
Kjörseyri
Söguferð um
Bæjarhrepp
Sagnir af landi, fólki
og fyrirbærum
Hér verður reynt að segja frá byggðinni í Bæjarhreppi og því sem
fyrir augu ber á leiðinni norður af Holtavörðuheiði út á Stiku háls.
Ekki er um tæmandi lýsingu að ræða heldur get ið þess helsta
sem skrásetjari man í svipinn. Fylgt er bæjaröð við þjóðveg.
Ef við ökum norður um Holtavörðuheiði þá komum við í
Bæjarhrepp (sameinaður Húnaþingi vestra frá 1. janúar 2012)
ofarlega í Hæðarsteinsbrekku en Hæðarsteinn er merkjasteinn á
milli Strandasýslu og Mýrasýslu. Steinninn er austan vegar nokk-
uð hátt í brekkunni og sést vel frá veginum, það liggur gamall
götuslóði fram hjá honum sem mun hafa verið alfaraleið fyrrum.
Í vestri ber Tröllakirkju hátt (1001 m y.s.), hún er sögð bústaður
trölla samkvæmt þjóðsögum. Kunnust er sagan um tröllin sem
reiddust byggingu fyrstu kirkju er reist var á Stað í Hrútafirði. Þá
reyndu tröllin að grýta kirkjuna og köstuðu þremur steinum að
sagt er. Fyrsti steinninn lenti austur á Hrútafjarðarhálsi. Annar
steinninn lenti í fjörunni norðan við Fjarðarhorn, hann er núna
leiðarmerki um hvar á að fara yfir leirurnar í fjarðarbotnin um
á fjöru, kallaður Reiðsteinn. Þriðji steinninn lenti í hestaréttinni
á Stað og á að hafa drepið fjögur hross er hann kom niður. Sá
steinn varð hestasteinn á Staðarhlaði og er þar enn vel varð veitt-
ur.
Í Bárðar sögu Snæfellsáss er sagt frá tröllabyggð og miklu trölla-
blóti sem haldið var í helli fram með Hrútafjarðará. Senni lega
er þar átt við helli sem er í Skútagili en það kem ur af Tvídægru