Strandapósturinn - 01.06.2014, Side 42

40
hlaða vörðu. Allt um það, varðan var hlaðin og er listavel gerð
með fangamarki konungs í efsta steini. Mér er sagt að það hafi
verið Strandamaðurinn Skeggi Samúelsson frá Miðdalsgröf sem
hlóð vörðuna.
Þegar komið er norður af Grunnavatnshæðum, niður í slakka
sem nefnist Dæld, þá blasir við í vestri fallegur foss í Miklagili
sem skiptist í þrjá fossa, hann heitir Þrífoss. Miklagil var mikið
torleiði áður en það var brúað. Það rennur í djúpu klettagljúfri
frá brúnni að Hrútafjarðará. Við ármótin er gamalt vað sem er
þó ekki auðfarið og ófært í vatnavöxtum. Um tíma var býli er
Gilhagi heitir í byggð (1862–1943) en það er sunnan við Miklagil
niður undir Hrútafjarðará. Þessi bær var aldrei í vegasambandi.
Saga þessa bæjar og flestra ábúenda þar er skráð með miklum
ágætum í 20. árgangi Strandapóstsins af Ingunni Ragnarsdóttur
frá Grænumýrartungu.
Þegar komið er niður af heiðinni er komið að Grænu mýrar-
tungu, sá bær er í eyði frá 1966. Þar var áður fyrr umsvifamikill
bú skapur og greiðasala fyrir ferðafólk, sennilega sú fyrsta í
Ljósm.: Lilja Sigurðardóttir.
Konungsvarða.