Strandapósturinn - 01.06.2014, Page 46

44
dóttir tóku við búi 1947 og bjuggu í Grænumýrartungu til 1966.
Eftir það er bærinn í eyði.
Brú
Við gömlu brúna yfir Hrútafjarðará stendur stórt tvílyft steinhús.
Þetta hús reisti Póstur og sími árið 1950 og var símstöðin færð
þangað ári seinna frá Borðeyri. Þarna var um áratuga skeið
um dæmisstöð fyrir Vestfirði ásamt skiptiborði talsíma þjón ustu
milli Norð urlands og Suðurlands. Þá var þarna radíóstöð sem
gegndi þýðingarmiklu hlutverki, sem og pósthús. Allmargt fólk
bjó í húsinu á þessum tíma enda var starfsemin öflug og þjón-
ustan mikilvæg. Eftir að sjálfvirkni símans kom til sögunnar dró
úr starfsemi símstöðvar innar og að lokum var hún lögð niður.
Póstur og sími keypti spildu úr landi Mela undir starfsemina
og reisti raforkuvirkjun í Ormsá og framleiddi hún rafmagn
fyrir símstöðina. Aðalástæðan fyrir færslu símstöðvar innar frá
Borðeyri inn í Brú voru þessir möguleikar til virkjunar til raf-
orku framleiðslu fyrir símstöðina. Þeir voru ekki fyrir hendi úti á
Borðeyri, þar var rafmagnið framleitt með dísilvélum.
Árið 1954 reisti Kaupfélag Hrútfirðinga í samvinnu við Olíu-
félagið lítinn söluskála við vegamótin rétt hjá símstöðinni. Hann
var síðan stækkaður nokkrum sinnum eftir því sem umferðin
Ljósm.: Lilja Sigurðardóttir.
Símstöðin Brú.