Strandapósturinn - 01.06.2014, Blaðsíða 48

46
Þegar Kaupfélagið hætti starfsemi var skálinn seldur til Olíu-
félagsins, það rann síðan inn í fyrirtækjasamsteypu sem heitir
N1. Það félag keypti einnig Staðarskála og sameinaði reksturinn
í eina nýja þjónustumiðstöð undir nafni Staðarskála. Um sama
leyti var verið að breyta þjóðveginum fyrir botni Hrútafjarðar og
færa veginn út á hólmana, reist var ný brú á Hrútafjarðará fyrir
neðan Stað og nýja þjónustumiðstöðin var því byggð þar á slétt-
lendinu. Brúarskáli var rifinn enda var vegurinn þar færður og
lagður beint yfir grunninn þar sem skálinn stóð áður.
Milli Brúar og Mela rennur Ormsá. Hún kemur ofan af Mela-
fjalli, á upptök sín úr Svínadal og Haukadalsskarði. Upp með
ánni að norðanverðu liggur vegurinn yfir Haukadalsskarð. Eftir
að komið er upp á brúnina er farið suður yfir Ormsá á vaði.
Rétt fyrir neðan vaðið er allhár fallegur foss í ánni. Hann heitir
Norðlingafoss. Frá fossinum og niður til bæja er mikið gil. Þar er
að finna þykk setbergslög frá tertíertíma, mjög litrík, einnig lítils
háttar af surtarbrandi.
Haukadalsskarðsvegur er bara sumarvegur fyrir fjórhjóla drifs-
bíla og gæta þarf vel að vatnavöxtum því að á nokkrum stöðum
er farið yfir ár sem ekki eru brúaðar. Þessi leið var áður fjölfarin
enda stutt á milli byggða.
Ljósm.: Lilja Sigurðardóttir.
Veitingaskálinn Brú 2001–2002.