Strandapósturinn - 01.06.2014, Page 60

58
haft að flestar fuglategundir hér á landi sé að finna á hálsunum
beggja vegna Hrútafjarðar. Það mun vera einkum tvennt sem
gerir þessi heiðarlönd að fuglaparadís. Í fyrsta lagi víðáttan. Í
öðru lagi fjölbreytni landslagsins, mikið votlendi og ótal vötn
bæði stór og smá.
Úr landi Kjörseyrar var 1855 byggð jörðin Kvíslar og var búið
þar til 1937 að bærinn fór í eyði. Kvíslar eru langt fram á Laxár-
dalsheiði, bæjarstæðið er fram undir Sölva mannagötum. Það er
talið að þarna hafi í upphafi verið selstaða enda bærinn stundum
kallaður Kvíslasel. Í fyrstu mun bærinn hafa verið nefnd ur Mið-
kvíslarmelur en bæjar stæðið er einmitt á mel sem ber þetta nafn.
Síðar hefur nafnið svo verið stytt í Kvíslar enda er það þjálla í
munni.
Framarlega í landi Kvísla, eiginlega beint vestur af Fjarðarhorni,
er hóll sem heitir Jónshóll. Af honum er víðsýnt um nágrennið.
Þessi hóll er kenndur við Jón þann er segir frá í þjóðsögunni
„Sögubrot af Árna á Hlaðhamri“. Ingibjörg, dóttir Finns á Kjörs-
eyri, sagði mér að sjá mætti að grafið hefði verið í hólinn og væri
þetta sá staður þar sem Jón og Guðrún, dóttir Árna á Hlaðhamri,
hefðu falið sig eins og greint er frá í þjóðsögunni.
Laxárdalur
Það eru forn munnmæli að Laxárdalur og Hlaðhamar hafi upp-
haflega verið ein jörð, Lax árdalur sennilega byggst síðar og þá
út úr Hlaðhamarslandi og þannig hafi orðið til tvær jarðir. Nafn
bæjarins er dregið af grunnu dalverpi sem Laxá rennur eftir
en hún saman dregst úr kvíslum framan af Kvíslafjalli og hefur
stórt vatnasvið. Laxárdalur er góð bújörð, landið vel gróið og
all stórt. Jörðin á ekki land að sjó. Vesturhlíð Laxárdals er vaxin
fjölskúðugum gróðri og mjög falleg og litrík í gróandanum. Hlíð-
in nær norður yfir Hlaðhamarsland og endar í hæð sem heitir
Eldborg, mun það vera forn eldstöð.
Hlaðhamar
Nafn bæjarins mun dregið af kletta- og klappartanga sem gengur
í sjó fram og myndar gott skjól fyrir bátalendingu. Eins er hægt
að leggja bát þar að klöpp til hleðslu eða af fermingar. Ólafur
Þorsteinsson (f. 1891, d. 1972), sem lengi bjó á Hlaðhamri, nýtti