Strandapósturinn - 01.06.2014, Side 64

62
staða rís fell sem skiptir löndum milla jarðanna, það heitir Nón-
fjall og bendir nafnið til að það sé eyktarmark frá Ljótunnarstöð-
um.
Hér bjó Skúli Guðjónsson, bóndi og rithöfundur (1903–1986),
hann varð blindur á miðjum aldri en gekk að öllum störfum og
vann flest sín verk sem alsjáandi væri. Hann varð þjóðkunnur
fyrir ritstörf sín, gaf út nokkrar bækur og skrifaði fjölda greina í
blöð og tímarit. Þá samdi hann fjölda pistla fyrir útvarpið, mikið
af þeim voru erindi í þættinum „Um daginn og veginn“. Þá
skráði hann þjóðsöguna af Ljótunnarstaðabóndanum er birtist
í Strandapóstinum, 8. árgangi, 1974, og segir frá Helga nokkrum
sem bjó á Ljótunnar stöðum og á að hafa verið fjölkunnugur.
Hann átti oft í illdeilum við Árna nokkurn á Tjörn á Vatnsnesi
sem var líka göldróttur. En sagan segir að alltaf hafi Helgi séð
við hon um og komið sendingum frá Árna fyrir í þúfu þeirri er
nefnist Grænaþúfa þannig að eng um varð mein af.
Prestsbakki 1957. Þá var verið að reisa þar nýjan prestsbústað en ný
kirkja var reist árið áður. Eldri húsin standa enn þegar myndin er
tekin.