Strandapósturinn - 01.06.2014, Síða 78

76
vondu veðri enginn utan þeirra sem ætluðu að taka þátt í íþrótta-
mótinu. Það fór að valda mér allmiklum áhyggjum hvernig veðr-
ið yrði 17. júní.
Þá datt mér snjallræði í hug. Hermann Jónasson, þingmaður
Strandamanna, var forsætisráðherra. Hvernig væri nú að hringja
í hann og athuga hvort hann gæti ekki útvegað okkur varðskip
til að flytja fólkið norður? Og ég lét ekki sitja við orðin tóm heldur
hringdi í forsætisráðuneytið og bað um viðtal við Hermann.
Hann kom fljót lega í símann og kynnti ég mig, en Hermann
þekkti ég ágætlega, og útskýrði fyrir honum hvað til stæði og
hvort ekki væri möguleiki á að fá varðskip til að flytja fólk norð ur.
Hermann gaf lítið út á þetta en sagðist ætla að athuga málið.
Daginn eftir fékk ég símskeyti: „María Júlía verður á Hólmavík
klukkan átta að morgni 17. júní og mun flytja fólk norður að
Gjögri og til baka um kveldið, góða ferð. Kveðja, Hermann Jón as-
son.“
Nú hafði ég samband við formann Leifs heppna og sagði
honum hvernig málin stæðu, nú mættu þeir búast við fjölmenni
og þyrftu þeir að gera ráðstafanir til að flytja mannskapinn frá
Gjögri að Árnesi. Einnig hafði ég samband við aðra ungmenna-
fé lagsformenn og lét þá vita af þessum nýja farkosti okkar.
Nú rann upp 17. júní. Veðrið var eins gott og hugsast gat, logn
og sólskin, og María Júlía lá við bryggjuna. Fjölmenni hafði safn-
ast saman á bryggjunni og klukkan átta var siglt af stað. Við koma
var höfð á Drangsnesi og þar bættust allmargir við. Samtals
reyndist þetta vera milli 70 og 80 manns.
Ég fór upp í brú og fékk að hringja þar í formann Leifs heppna
og sagði honum hversu margir væru á leiðinni norður. Hann
sagði mér að engin vandræði yrðu með flutninga milli Gjögurs
og Árness þar sem búið væri að smíða grindur á palla tveggja
vörubíla og einnig væru tvær trillur til taks á Gjögri til að flytja
fólkið til lands. Í sam ráði við skipstjóra var ákveðið að fólkið
mætti vera til miðnættis í Árnesi og síðan yrði siglt frá Gjögri um
eittleytið.
Veðrið hélst gott, flóinn eins og spegill og fyrir norðan stóð
allt eins og stafur á bók. Trillurnar fluttu okkur í land og síðan
var mannskapnum hrúgað upp á vörubíls pallana og allir komust
í einni ferð.