Strandapósturinn - 01.06.2014, Síða 84

82
Loftur Magnússon
Brúargerð á
Eyvindarfjarðará
Á Vestfjarðakjálkanum, austan og sunnan Drangajökuls, er mjög
víðfeðmt hálendissvæði sem kallast einu nafni Hraun. Á þessu
landsvæði er fjöldi vatna og hér er vatnasvið Eyvindarfjarðarár.
Upptakakvíslir hennar ná að jaðri Drangajökuls. Mörg vötn og
sum stór verða á leið hennar til sjávar og niður Eyvindarfjarðardal
fellur hún í flúðum og fossum fram af mörgum hraunlagastöllum.
Neðarlega, ekki langt frá sjó, eru miklir klettarimar þvert yfir
dalinn nefndir Þröskuldar. Þar ofan við er nokkur lygna í ánni
og sandeyrar. Ánni hefur þó tekist að brjóta sér leið gegnum
þessa fyrirstöðu á tveim stöðum og kvíslast svo áfram niður
klapp ir að lygnum ósi við sandinn í botni fjarðarins.
Eyvindarfjarðará er stundum mjög ill yfirferðar, einkum þegar
regn- eða leysingaflóð standa yfir. Kunnar eru frásagnir af því
að göngumenn að norðan komu að ánni gjörsamlega óvæðri.
Úrræðið hefur oftast verið að ganga upp með ánni og komast
yfir á snjóbrú. Þekkt vöð eru á ánni. Ofan við Þröskuldana er
Stangarvað og mun oftast hafa verið besti kosturinn að vaða þar
yfir. Niður við ósinn var einnig farið yfir ána og var oft slarksamt
segir sagan.
Ætlunin með frásögn þessari er að greina frá tildrögum þess að
ráðist var í að byggja brýr á tvær aðalkvíslar árinnar á Þrösk uld-
unum sem áður getur.
Hinn 4. ágúst 1984 komu að ánni fimm göngumenn sem
gengið höfðu í níu daga um Hornstrandir og voru nú á síðasta
göngudegi. Þótt Eyvindarfjarðará sé gangandi ferðalöngum oft
erfið reyndist hún í þetta skipti vel væð á Stangarvaði. Þegar að
ánni kom, og eins þegar yfir var komið, tók verkfræðingur í