Strandapósturinn - 01.06.2014, Page 86

84
Verður sérstaklega að þakka ómetanlegt framlag heima manna
við þessa framkvæmd.
Ekki er þó öll sagan sögð. Þarna á ströndinni við ysta haf eru
vetrarveður oft válynd og mikið fannfergi. Fór svo að annar burð-
arbitinn á syðri brúnni tók að sligast undan snjóþyngslum. Við því
varð að bregðast. Brúin var styrkt með flatjárnum neðan á brúar-
bitann og brúin hækkuð upp um einn metra til að minnka snjóálag.
Eyvindarfjarðará er oftast lítill farartálmi en getur orðið að
skaðræðisfljóti og öllum ófær þegar hún er í þeim ham. Það er vissa
þeirra, sem stóðu að þessari framkvæmd, að þessar brýr hafi nú
þegar komið mörgum fótgangandi að góðu gagni, og muni svo
verða um langa framtíð, eða eins lengi og þær eru uppi stand andi.
Svo að ferðalangarnir fimm, sem komu að þessu í upphafi, séu
ekki nafnlausir í þessari frásögn, er rétt að upplýsa að hér var á
ferð göngumannahópur sem kallaði sig „Strandamenn“. Allir
höfðu meðlimirnir búið í Strandasýslu lengur eða skemur og eiga
þangað sterk ættartengsl. Þegar þessi brúarsmíði var gerð voru
þeir allir búsettir á Akureyri. Áður hefur verið nefndur Haraldur
Sveinbjörnsson. Nöfn hinna eru: Torfi Guðmundsson, Rúnar H.
Sigmundsson, Hermann Sigtryggsson og Loftur Magnússon.
Ljósm.: Loftur Magnússon.
Brúin yfir nyrðri kvíslina. Hér hefur áin grafið sér þröngan og djúpan
farveg. Víst má telja að drjúgan tíma hefur hún tekið sér til þeirra fram­
kvæmda.