Strandapósturinn - 01.06.2014, Side 93

91
Svo stóð á ferð Sæbjargar til Djúpavíkur þetta vor að heil brigð-
isyfirvöld höfðu ákveðið að hefja allsherjarleit að smitberum til
að koma í veg fyrir útbreiðslu sjúkdómsins. Heilsuhælin voru yfir-
full og ekkert lát á smiti. Bygging heilsuhælanna var stórvirki
unnið af fátækri þjóð í örvæntingarfullri baráttu við ósýnilegan
óvin sem fór sveit úr sveit og skildi eftir sig dauða, örvæntingu og
sorg.
Tæknin til að gegnumlýsa fólk var ný af nálinni 1938. Og þar
var komið vopn sem dugað gat í þessari annars vonlausu baráttu.
Og það stórvirki sem unnið var með því að leita að smiti og sjúku
fólki með því að gegnumlýsa alla þjóðina er, held ég, algjört eins-
dæmi og svo aðdáunarvert að ekki má gleymast og sýnir betur
en nokkuð annað hvað hægt er að gera ef allir standa saman og
hugsa um almannahag og framtíðina. Og kannski væri rétt að
rifja það upp einmitt núna.
Þessi herferð var skipulögð af Sigurði Sigurðssyni lækni og fjöl-
mörgu öðru áhugafólki og var farið hringinn í kringum landið.
Segja má að öll þjóðin hafi verið gegnumlýst. Þetta er svo einstakt
afreksverk unnið af fátæku hugsjónafólki, af fátækri þjóð, og þá
örugglega einsdæmi í heiminum og mættum við örugglega læra
af þessu fólki í dag.
Garðabæ, 12.01. 2013.