Strandapósturinn - 01.06.2014, Qupperneq 98

96
góður tími fyrir hagyrðinga að senda vísur. Hvammstangabúi byrj-
aði og ljóðaði á ráðskonu Reykjaskóla:
Taflið eyðir tímanum,
tíðar eru vökur.
Sendu mér með símanum
sætar pönnukökur.
Reykjaskólamenn svara fyrir sína ráðskonu:
Sætar kökur sjást ei hér,
en senn mun bættur skaðinn
því ráðskonan hún réttir þér
rembingskoss í staðinn.
Pönnukökuskáldið varð bara fúlt við og sagði:
Þú átt fátt af hróðurhnossum,
hættu að setja slíkt á blað.
Ég hef nóg af kvenmannskossum,
Hvammstanginn hann sér um það.
Þá urðu Reykjaskólamenn ráðalausir og sögðu bara:
Ráðskonunnar rokna skáld
rymur af skelfdum móði.
En hjartað er eins og hriplekt sáld
í heitu kossaflóði.
Næsta vetur var Mummi líka í Reykjaskóla, þá í eldri deild. Skól-
inn mun þá hafa byrjað um veturnætur, eins og hann gerði síðan
um árabil. Það sem mér er minnisstæðast frá þessari skóla vist
bróður míns er að á þorranum fór pabbi róandi á skektu við
annan mann inn í Reykjaskóla. Erindið var að fara með ein hver
matföng í skólann, held ég að það hafi aðallega verið fiskur, salt-
aður og hertur, sem veiðst hafði um haustið og hafði verið verk-
aður heima fyrri hluta vetrar. Pabbi mun hafa samið um að fá að
leggja þetta inn á matarreikning skólans til að létta á reikn ingi