Víkurfréttir - 16.12.2021, Síða 52

Á komandi ári verða sveitastjórnar-
kosningar í landinu. Það er því lík-
legt að á næst mánuðum verði meiri
umræður um þá hagsmuni sem ný
bæjarstjórn í Reykjanesbæ þarf að
takast á við. Einnig munu koma fram
á sjónarsviðið þeir einstaklingar sem
vilja gefa kost á sér til setu í bæjar-
stjórn á næsta kjörtímabili.
Biðtíminn mælist í vikum
Heilbrigðismál eru sá málaflokkur
sem brennur mest á skinni okkar
Suðurnesjamanna. Mikil óánægja
hefur verið með þjónustu heilsu-
gæslunnar sem Heilbrigðisstofnun
Suðurnesja veitir. Fáir læknar, langir
biðlistar og bið eftir tíma hjá lækni
mælist oft í vikum. Dæmi er um að
einstaklingur hafi þurft að bíða eftir
símatíma hjá lækni í fjórtán daga.
Heilbrigðisstofnun hefur verið
móðurskip heilbrigðisþjónustunnar
í nærsamfélaginu á Suðurnesjum.
En HSS hefur ekki náð að fylgja eftir
kröfum íbúa um þá þjónustu sem
kallað er eftir þrátt fyrir gott starfs-
fólk. Er þar fyrst og fremst langvar-
andi stjórnunarvanda að kenna.
Fjármagnið keyrir í burtu
Í dag fylgja framlög til heilsugæsl-
unnar þeim sem nýtir sér þjón-
ustuna. Þúsundir íbúa Reykjanes-
bæjar og Suðurnesja hafa valið sér
þjónustu heilsugæslustöðva á höfuð-
borgarsvæðinu. Með því má segja að
milljónatugir framlaga til reksturs
heilsugæslu í Reykjanesbæ keyri
eftir Reykjanesbrautinni og styrki
heilsugæslu höfuðborgarsvæðisins.
Það er því afar mikilvægt að þeir
sem veljast til forystu Reykjanes-
bæjar hafi skýra sýn á eflingu heilsu-
gæslunnar og geri það sem í þeirra
valdi stendur að hér opni einkarekin
heilsugæsla. Það er eina leiðin til að
tryggja að hér starfi nægjanlegur
fjöldi lækna sem veitt geta eðlilega
þjónustu sem við íbúar gerum kröfu
um.
Styrkjum HSS
Það er síðan sérstakt verkefni að
styrkja rekstur Heilbrigðisstofnunar.
Ljúka við að koma öllu húsnæði
stofnunarinnar í not. Bæta aðstöðu
bráðamóttökunnar, heilsugæslunnar
og starfsmanna. Halda áfram að
bæta aðstöðu fyrir sérfræðilækna og
fjölbreyttri heilbrigðisþjónustu sem
er mikilvægur þjónustuþáttur stofn-
unar eins og HSS. Fjármál stofnun-
arinnar er verkefni sem við gerum
kröfur á að þingmenn og löggjafinn
sjái um að verði á pari við það sem
gerist á sambærilegum stofnunum.
Það er af mörgu að taka
Það eru mörg mál sem mig langar
að fjalla um í fleiri greinum á næstu
vikum og mánuðum. Þar mun ég
halda áfram að kynna mínar áherslur
og áhugamál sem gera samfélagið
okkar í Reykjanesbæ betra. Hæfileg
endurnýjun bæjarfulltrúa í næstu
kosningum er eðlileg og það er kallað
eftir því.
Ég heiti Eiður Ævarsson, er giftur
þriggja barna faðir og starfa sem
rafeindavirki. Ég hyggst gefa kost á
mér í eitt af efstu sætum á lista Sjálf-
stæðisflokksins fyrir bæjarstjórnar-
kosningirnar 14. maí á næsta ári.
Krafan er betri
heilsugæsla
Eiður Ævarsson.
FIMMTUDAG KL. 19:30
HRINGBRAUT OG VF.IS
Sendum íbúum allra sveitarfélaga á
Reykjanesi okkar bestu jóla- og nýárskveðjur.
Samband sveitarfélaga á Suðurnesjum.
Félag eldri borgara á Suðurnesjum sendir kærar kveðjur
til félagsmanna sinna með ósk um gleðileg jól
og farsælt nýtt ár sem færir okkur gleði, hamingju
og samverustundir sem allir geta tekið þátt í.
Við bjóðum nýja aðila velkomna sem eru 60 ára +
Umsókn um aðild með nafni, kennitölu og heimilisfangi sendist á netfang:
gjaldkerifebs@simnet.is eða í síma: Loftur 860-4407 og Guðrún 899-0533
Með jólakveðju
Fyrir hönd stjórnar,
Guðrún Eyjólfsdóttir,
formaður
Jólakveðja
52 // VÍKurFrÉttir á suÐurNesJum Í 40 ár