Víkurfréttir - 16.12.2021, Side 91

KATLA MEÐ KRAFTA Í KÖGGLUM
Kraftlyftingakonan Katla Björk Ketilsdóttir úr kraftlyftingadeild Massa keppti á heimsmeistaramót-
inu í ólympískum lyftingum um síðustu helgi. Heimsmeistaramótið fór fram í Taskent í Úsbekistan
sem er í Mið-Asíu og þegar Víkurfréttir ræddu við Kötlu var hún enn að ná áttum eftir langt ferðalag
og tímamun.
Þetta var fyrsta stórmót Kötlu í
senior-flokki kvenna en hún keppti
í undir 65 kg flokki. Katla á að baki
farsælan feril í unglinga- og U23-
flokki en þess má geta að Katla er
fædd árið 2000 og því aðeins 21 ára
gömul.
„Þetta ár hefur gengið mjög vel
og ég hefði í raun ekki getað beðið
um neitt betra,“ segir Katla í upphafi
spjalls okkar. „Ég tók þátt í Evrópu-
móti og Norðurlandamóti á árinu og
gekk bara nokkuð vel. Ég búin að
vera að keppa svolítið „constant“ í
dágóðan tíma og er að vinna í því
að byggja upp keppnisreynslu í full-
orðinsflokki.“
Íslandsmet á HM
Það er fjárfrekt að taka þátt í alþjóð-
legum mótum en Katla ferðaðist á
eigin vegum til Úsbekistan til að taka
þátt í HM.
„Ég er í háskólanámi þar sem ég
er að taka uppeldis- og menntunar-
fræði, auk þess er ég í fullri vinnu í
Holtaskóla,“ segir Katla. „Launin fara
að mestu í keppnisferðir og rétt duga
fyrir því og til að lifa. Lyftingarsam-
bandið tekur þátt í að greiða kostnað
á sumum mótum en ég þurfti að
standa straum af kostnaði við HM.“
Það reyndist vel þess virði því
Katla gerði sér lítið fyrir og setti tvö
Íslandsmet í sínum flokki. Hún sett
Íslandsmet í snörun og samanlögðu
þegar lyfti 85 kg í snörun og 186 kg
samanlagt, þá lyfti hún 101 kg í jafn-
hendingu.
Stefnan sett á Ólympíuleikana
Katla hefur sett stefnuna á að
komast á Ólympíuleikana og þeir
sem þekkja til hennar telja það vel
raunhæft markmið hjá henni.
„Mig dreymir um að komast á Ól-
ympíuleikana en það er mikil vinna
– vinna sem ég er tilbúin að leggj á
mig.“
Gleðileg jól
og farsælt komandi ár
www.southair.is
Gleðilega hátíð!
Við óskum Suðurnesjamönnum gleðilegra jóla og
farsældar á komandi ári. Þökkum árið sem er að líða.
Mig dreymir um
að komast á
Ólympíuleikana en það er
mikil vinna – vinna sem ég er
tilbúin að leggj á mig ...
VÍKurFrÉttir á suÐurNesJum Í 40 ár // 91