Rit (Vísindafélag Íslendinga) - 01.06.1923, Qupperneq 30

26
er djúpt, að brimrótin nær eigi að hreyfa það til. Marbakk-
ar af möl og sandi eru því víða myndaðir talsvert fyrir
neðan sjávarmál á mismunandi dýpi. Brimstallar, sem sær-
inn á sama tíma hefir mótað í fast berg, liggja því venjulega
nokkru hærra en marbakkarnir, og er hæðarmunurinn því
meiri, sem brimið hefir verið meira við ströndina, t. d. við útnes.
Inn í fjörðum, þar sem ölduróts gætir lítið, geta mar-
bakkar myndast á mjög litlu dýpi, jafnvel sem beint áfram-
hald af fjörunum sjálfum.
Suður af túninu á Litlakroppi eru lágar malaröldur, eða
malarkambar af núinni möl, er liggja í bugðum þvert yfir
dalsmynnið suður undir Steðja, um 90 m. hátt y. s.
Klettaröðull af grágrýti (dóleriti) gengur niður miðjan
Flókadal; hefir hann upptök sín í heiðunum austur undir
Oki. Fer hann smálækkandi niður eftir dalnum og endar
niður í dalsmynninu fyrir ofan Steðja. Er jaðar hans bratt-
ur að framan. Er engu líkara en þar hafi sjór meitlað brim-
klif eða fjöruborð ca. 100 m. hátt y. s.
Geirsá kemur úr Flókadal norðanvert við klapparröðul-
inn og rennur í stórum bugðum niður á láglendið og eftir
því til norðurs í Reykjadalsá skamt fyrir ofan Klett. Á Iág-
lendinu eru mjög víða 4 —6 m. þykk sjávarlög í bökkum
hennar, lagskiftur leir undir, en sandur og smáger möl ofan
á. Kannaði jeg lögin á ýmsum stöðum, en fann þar engar
sædýraleifar.
e) Skeljalög og marbakkar við Flókadalsá.
Meðfram Flókadalsá að sunnan eða vestan, spöl fyrir
ofan ármót hennar og Hvítár, eru melar og marbakkar
20 — 30 m. háir y. s.
í kröppum krók, er verður á ánni rjett fyrir ofan ármót-
in, er allhár brattur bakki við ána. Par eru þykk hallandi
sandlög niður að miðjum bakkanum eða meira; en niður
við ána koma fram lagskift leirlög, er ganga niður í árbotn-
inn. Áin er hjer 15-16 m. há y. s. Hjer fann jeg lítið eitt
af skeljum á strjáli í leirnum, bæði í bakkanum og í sjálf-
um árfarveginum.