Víkurfréttir - 15.12.2022, Side 52

Jólastemmning á aðventustund í Innri Njarðvíkurkirkju
Jólaandinn sveif yfir vötnum á öðrum sunnudegi í aðventu á aðventustund í Innri-Njarðvíkurkirkju. Sr. Brynja Þor-
steinsdóttir, prestur, stýrði stundinni sem var hin hátíðlegasta.
Tónlistarfólk úr Tónlistarskóla Reykjanesbæjar flutti nokkur jólalög og kirkjugestir sungu jólasálma með kór
kirkjunnar. Hluti kórsins, Vox Felix, söng einnig nokkur lög. Þá flutti Jenný Þórkatla Magnúsdóttir jólahugvekju.
Pólarhraðlestin í Andrews
Hátíðarsýning DansKompaní var sett upp í Andrews Theatre laugardaginn 3. desember. Sýningin í ár var byggð
á jólaævintýrinu um Pólarhraðlestina og voru dansarar frá fjögurra ára og upp úr sem tóku þátt í sýningunni.
„Mikil tilhlökkun hefur verið meðal nemenda og kennara skólans fyrir sýningunni en þetta er í fyrsta skipti
sem skólinn heldur hátíðarsýningu á þessari stærðargráðu í desember. Á sýningunni mátti sjá hina ýmsu
dansstíla sem kenndir eru við skólann eins og t.d. djassballett, klassískan ballett, street dance, commercial,
nútímadans, söngleikjadans ásamt leiklist,“ sagði Helga Á. Ólafsdóttir, skólastjóri DansKompanís.
52 // VÍKurFrÉttir á suÐurNesJum