Fréttablaðið - 26.01.2023, Qupperneq 6

Þetta er svo ungt lið
sem stjórnar bænum
að það man ekki þegar
Akureyri var iðnaðar-
bær.
Þorsteinn E.
Arnórsson,
fyrrverandi
safnstjóri
Ég sé ekki fyrir mér að
hér verði byggð nein
stóriðjufyrirtæki
frekar.
Júlíus Sólnes,
verkfræðingur
og fyrsti um-
hverfisráðherra
Íslands
Í raun ættu rafbyssur
að byrja sem tilrauna-
verkefni ef ekki er hægt
að stöðva þessa reglu-
gerðarbreytingu.
Helgi
Gunnlaugsson,
afbrotafræð-
ingur
„Takk fyrir að sýna
okkur að krabbamein
er ekki dauðadómur“
Kolluna upp
fyrir mig og
vinkonu mína!
lifidernuna.is
bth@frettabladid.is
BRidds Reykjavík Open, alþjóð-
legt briddsmót, hefst í Hörpu í dag.
Langt er síðan eins margir hafa
tekið þátt í briddsmóti hérlendis.
Keppendur koma f rá ý msum
heimshornum.
Fjöldi þátttakenda verður alls
á áttunda hundrað samkvæmt
skráningum. Kvennasveit Hjör-
dísar Eyþórsdóttur heimsmeistara
og atvinnumanns í bridds sem býr
í Bandaríkjunum er meðal þátttak-
enda. Í sveitinni er meðal annars
nýbakaður Bandaríkjameistari í
ungmennaflokki.
Að sögn Matthíasar Imsland,
framkvæmdastjóra Bridgesam-
bands Íslands, er mótið eitt stærsta
briddsmót sem haldið hefur verið
á Íslandi og það fjölmennasta um
árabil.
Mótið hefst klukkan 19 í kvöld
og lýkur síðdegis á sunnudag.
Fyrstu tvo dagana fer keppni fram
í tvímenningi en síðari tvo dagana
verður spiluð sveitakeppni. n
Eitt stærsta briddsmót Íslandssögunnar hefst í dag
bth@frettabladid.is
AkuReyRi Þorsteinn E. Arnórsson,
hollvinur og fyrrverandi safnstjóri
Iðnaðarsafnsins, segir að framtíð
Iðnaðarsafnsins á Akureyri sé í
mikilli óvissu.
„Við verðum að loka safninu ef
ekkert gerist fjárhagslega fyrir 1.
mars,“ segir Þorsteinn.
Safnið hef ur aldrei verið á
föstum framlögum hjá Akureyr-
arbæ en notið stuðnings. Utanað-
komandi styrktaraðilar hafa átt
stóran þátt í að halda rekstrinum
gangandi, að sögn Þorsteins. Síð-
ustu sex ár hefur staðan verið svo
erfið að Þorsteinn hefur tekið að
sér safnstjórn með hléum án þess
að fá greitt fyrir.
Félagar í Hollvinasamtökum
Iðnaðarsafnsins rituðu bænum
bréf nýverið þar sem kemur fram
að safnið þurfi 7,5 milljónir fyrir 1.
mars. Annars verði því lokað.
„Ég ætla að geyma þau orð sem ég
mun hafa um bæjarfulltrúa ef safn-
inu verður lokað,“ segir Þorsteinn.
Iðnaður var áður mjög umfangs-
mikill á Akureyri. Safnið heldur
utan um þá sögu og hefur vakið
mikla athygli þau 25 ár sem það
hefur starfað.
„Þetta er svo ungt lið sem
stjórnar bænum að það man ekki
þegar Akureyri var iðnaðarbær og
við framleiddum hér allt sem við
þurftum,“ segir Þorsteinn. „Það er
einn vandinn.“
Í þessu samhengi megi skýra
lokun Smámunasafnsins. n
Iðnaðarsafnið nálægt
þroti og hætta á lokun Rafbyssur ættu að byrja sem
tilraunaverkefni ef ekki er
hægt að stöðva reglugerðar-
breytingu, að sögn afbrota-
fræðings. Mjög sjaldan ástæða
til að beita þeim, enda notkun
þeirra hættuleg. Umboðs-
maður krefur ráðherra svara.
bth@frettabladid.is
LöggæsLA Ekki er ástæða til að lög-
reglan geri rafbyssur að staðalbún-
aði. Hins vegar getur við ákveðnar
kringumstæður verið gott að lög-
reglumenn beri þessi vopn.
Þetta segir Helgi Gunnlaugsson
af brotafræðingur. Mikill styrr
stendur nú um þær breytingar sem
að óbreyttu verða að veruleika, þar
sem íslenskir lögreglumenn hafa
fengið heimild til að nota rafbyssur.
Á Alþingi hefur verið bent á fjölda
dauðsfalla vegna notkunar þessara
vopna. Þá hefur umboðsmaður
Alþingis gert athugasemd við fram-
gang málsins.
Umboðsmaður, Skúli Magnússon,
hefur óskað eftir upplýsingum og
skýringum frá dómsmálaráðherra
og bendir á að samkvæmt lögum
um Stjórnarráð Íslands skuli halda
ríkisstjórnarfundi um mikilvæg
stjórnarmálefni. Með hliðsjón af
þessu og aðdraganda málsins, eins
og hann hefur verið rakinn í fjöl-
miðlum, er ráðherra beðinn að
svara ýmsum spurningum.
Fram hefur komið hjá forsætis-
ráðherra, Katrínu Jakobsdóttur, að
málið hafi ekki verið formlega rætt
innan ríkisstjórnarinnar. Reglur um
eftirlit séu skilyrði áður en vopn-
unum verði beitt.
Jón Gunnarsson dómsmála-
ráðherra hefur sagt að hægt verði
að koma í veg fyrir meiðsli á lög-
reglumönnum með notkun nýju
vopnanna. Rafvopnin auki öryggi
lögreglufólks umfram kylfur sem
heimilt er að bera í dag.
Helgi Gunnlaugsson segir að mjög
sjaldan sé þörf á rafbyssum.
„Þær eru varasamar, þessar
byssur, það hefur margoft komið í
ljós erlendis,“ segir Helgi. „En það
á við um öll valdbeitingartæki ef
þeim er misbeitt.“
Helgi segir að eins og lögreglan
sé mönnuð í dag á Íslandi, margir
ómenntaðir og ekki með mikla
þjálfun að baki, sé varasamt að
heimila notkun rafbyssa.
„Tilraun í Noregi sýndi litla
notkun lögreglunnar á rafbyssum,
óverulegar breytingar en samt var
hægt að sjá að lögreglan taldi sig
öruggari með þessi vopn.“
Alltaf er hætta á misbeitingu.
Af leiðingarnar geta orðið mjög
hættulegar að sögn Helga. Að mati
hans er engin þörf á að lögreglan
geri raf byssur að staðalbúnaði hér
á landi þótt við ákveðnar kringum-
stæður geti verið réttlætanlegt að
lögreglumenn beri þessi vopn.
„Eftirlit er vitaskuld nauðsynlegt
sem og skráning notkunar og áhrifa.
Í raun ættu rafbyssur að byrja sem
tilraunaverkefni ef ekki er hægt að
stöðva þessa reglugerðarbreytingu,“
segir Helgi.
Hann segir að mörg skelfileg mál
hafi komið upp í Evrópu síðustu ár
þar sem vopnum eða ofbeldi er beitt
og lögreglufólk sé skotið.
Það er áhugavert að lögreglan í
Færeyjum ber skotvopn við dagleg
skyldustörf en notar þau nánast
aldrei,“ segir Helgi. Lögreglan í Fær-
eyjum er dönsk og námið skipulagt
af Dönum.
„Í þessari friðsældarparadís sem
Færeyjar eru skiptir öllu að lögreglu-
mennirnir eru vel þjálfaðir en hér á
landi eru oft undirmannaðar vaktir,
því miður,“ segir Helgi.
Jón Gunnarsson dómsmálaráð-
herra svaraði fyrirspurn Frétta-
blaðsins um athugasemdir umboðs-
manns Alþingis í gær í gær á þann
veg að hann myndi svara umboðs-
manni. Ekki fengust nánari upp-
lýsingar um hvernig ráðherra mun
svara umboðsmanni n
Varar við rafbyssum nema
í mjög sérstökum tifellum
bth@frettabladid.is
ORkumáL Fyrsti umhverfisráðherra
Íslands, Júlíus Sólnes, segir nóg
komið af stóriðju hér á landi. Hann
vill algjört stóriðjustopp á Íslandi
um ókomna tíð en hafnar á sama
tíma vindmyllugörðum hérlendis.
Fram kom á Fréttavaktinni á
Hringbraut í viðtali við Júlíus í gær-
kvöldi að lukkuriddarar sem reki
áróður fyrir vindmyllum tali nú á
svipuðum nótum og þeir sem áður
töluðu fyrir laxeldi í öllum fjörðum
hérlendis í eiginhagsmunaskyni.
Júlíus segist hafa grun um að Norð-
menn standi að baki þeim Íslend-
ingum sem hafi hæst um vindorku
hér á landi.
Veðrið er vandamál fyrir vind-
orku hér á landi, að sögn Júlíusar,
einkum ofsaveður. Þá yrðu sjónræn
áhrif mikil og orkan yrði stopul í
stað þess að vera örugg alla daga.
Ekki væri hægt að reka iðnað sem
byggði á þessari orku.
Einnig segir Júlíus að íhlutir í
vindmylluorkugörðum séu ekki
umhverfisvænir. Vindorka sé því
ekki algræn þótt sums staðar þyki
hún góð viðbót.
Júlíus gerir einnig athugasemdir
við þá pólitísku ákvörðun að allt
rafmagn frá Kárahnúkavirkjun fari
á lágu verði til eins fyrirtækis. Hann
telur nóg komið af stóriðju.
„Ég sé ekki fyrir mér að hér verði
byggð nein stóriðjufyrirtæki frekar,“
segir Júlíus, verkfræðingur og fyrsti
umhverfisráðherra landsins. n
Vill algjört stóriðjustopp
Einn helsti afbrotafræðingur Íslands varar mjög við notkun rafbyssa hér á landi nema í undantekningartilvikum.
Hann óttast að óþjálfaðir lögreglumenn misbeiti vopnunum. fréttablaðið/afp
Skúli Magnús-
son, umboðs-
maður Alþingis
Von er á gríðarlegum fjölda keppnis-
spilara í bridge í Hörpunni.
6 fréttIr FRÉTTABLAÐIÐ 26. jAnúAR 2023
fIMMtUDAGUr