Fréttablaðið - 26.01.2023, Side 35
Guðrún Valdís Jónsdóttir,
öryggisstjóri Syndis, var
nýlega útnefnd rísandi
stjarna ársins á Nordic
Women in Tech Awards.
Hún segir netöryggisbrans-
ann verulega spennandi.
„Mér þykir ótrúlega vænt um að
hafa hlotið þessa viðurkenningu.
Ég bjóst alls ekki við því, enda
komu margar flottar og frambæri-
legar konur til greina. Stór dóm-
nefnd af norrænu tæknifólki valdi
sigurvegara út frá tilnefningum
frá öllum Norðurlöndunum. Það
var því mjög mikill heiður að vera
tilnefnd til verðlaunanna, hvað þá
að vinna.“
Þetta segir Guðrún Valdís Jóns-
dóttir sem nýlega hlaut viðurkenn-
inguna „Rising Star of the Year“ á
Nordic Women in Tech Awards
í Gautaborg. Viðurkenninguna
hlýtur kona sem hefur sýnt fram-
úrskarandi hæfni og frumleika í
tæknigeiranum og þykir hafa til að
bera það sem þarf til að verða einn
af leiðtogum framtíðarinnar.
„Viðburður sem þessi er frábær
vettvangur til að vekja athygli
á og kynnast norrænum tækni-
konum. Ég hef reynt að setja mér
markmið og stefna nákvæmlega
þangað sem mig langar, burtséð
frá staðalímyndum eða viðhorfum
samfélagsins, og taka virkan þátt í
að auka sýnileika kvenna í tækni.
Mér þykir ótrúlega vænt um að fá
staðfestingu á að það sé að skila
sér,“ segir Guðrún Valdís.
Ævintýri í Princeton
Guðrún Valdís er fædd og uppalin
á Akranesi. Þar spilaði hún fót-
bolta, eins og góðum Skagamanni
sæmir, og átti yndislega æsku með
fjölskyldu og vinum. Í dag býr hún
í Reykjavík með kærasta og kisu,
sem hún segist elska meira en eðli-
legt getur talist.
„Ég fékk ekki áhuga á net-
öryggismálum fyrr en í háskóla. Í
grunnskóla elskaði ég stærðfræði,
efnafræði og eðlisfræði, og vissi
alltaf að ég færi í raungreinar. Á
fyrsta árinu í Princeton-háskóla
tók ég svo af einskærri forvitni
grunnáfanga í tölvunarfræði og þá
small eitthvað í hausnum á mér.
Úrið hélt að ég væri að hamast í líkamsrækt
Guðrún Valdís Jónsdóttir er netöryggissérfræðingur og öryggisstjóri Syndis. FRÉTTABLAÐIÐ/ERNIR
Netöryggisfyrirtækið
Syndis býr yfir framúrskar-
andi hökkurum af báðum
kynjum en kallar eftir enn
fleiri konum í sitt lið.
„Syndis fagnaði á dögunum tíu ára
afmæli sínu. Við erum þekktust
fyrir að vera „hakkarar“ sem
reyna að brjótast inn í fyrirtæki
og höfum frá fyrstu tíð stuðlað
að auknu upplýsingaöryggi fyrir
íslensk og erlend fyrirtæki. Þetta
hefur þó breyst því Syndis býður
einnig upp á sólarhringsvöktun
árið um kring á kerfum viðskipta-
vina, ráðgjöf þegar kemur að
ferlum og hlítingum, ásamt því
að stunda rannsóknir og þróun á
sviði upplýsingaöryggis.“
Þetta segir Hörn Valdimars-
dóttir, mannauðsstjóri Syndis.
Hún bætir við að þótt Syndis sé
þekktasta fyrirtækið í þessum
geira á Íslandi hafi upplýsinga-
öryggi engin landamæri. Því séu
verkefnin alþjóðleg og starfsfólk
Syndis komi víða að.
„Netöryggismál eru í gífurlegum
vexti, bæði á Íslandi og á heims-
vísu. Þar af leiðandi fjölgar ört í
starfsmannahópum fyrirtækja
innan geirans og hefur starfsfólki
Syndis fjölgað úr níu í 48 á aðeins
tveimur árum. Slíkri aukningu
fylgja alltaf einhverjir vaxtar-
verkir en í mínum huga er allra
mikilvægast að skapa sálfræðilegt
öryggi á vinnustaðnum. Ég tel það
sérstaklega mikilvægt í þessum
bransa vegna þess að netöryggi og
tækni breytist nú á ógnarhraða.
Því er nauðsynlegt á vinnustað
eins og Syndis að starfsfólk sé
óhrætt við að tjá skoðanir sínar,
spyrja erfiðra spurninga og koma
með nýjar hugmyndir. Það gerir
okkur svo miklu betri og sam-
keppnishæfari á markaði sem
breytist nær daglega.“
Hlutfall kvenna fer hækkandi
Í dag starfa sex konur hjá Syndis,
en það er 500 prósenta aukning
á tveimur árum, þegar ein kona
starfaði hjá fyrirtækinu.
„Sannleikurinn er þó sá, þegar
við skoðum heildaraukningu í
starfmannahópnum, að hlut-
fall kvenna er nánast það sama
og þegar Guðrún Valdís var eina
konan. Þá var hlutfall kvenna hjá
Syndis 11 prósent en í dag er það
12,5 prósent. Ég fagna því auðvitað
að hlutfallið hafi hvorki staðið í
stað né minnkað en það má klár-
lega gera betur og Syndis stefnir
að því að auka hlutfall kvenna enn
frekar á næstu árum,“ segir Hörn.
Hún segir lágt hlutfall kvenna í
starfi haldast í hendur við hlutfall
útskrifaðra kvenna úr tækni-
greinum háskólanna.
„Það hlutfall hefur sorglega lítið
breyst síðastliðinn áratug. Mér
finnst þó núna eins og samfélagið
allt, og sérstaklega upplýsinga-
tæknisamfélagið á Íslandi, sé að
taka við sér. Það hefur verið mun
meiri umræða um flottar konur
í tæknigeiranum og ég trúi því
einlægt að öll slík umræða skipti
máli. Þetta snýst um að kynna
flottar fyrirmyndir fyrir ungu
fólki í dag og leyfa því að sjá að
það er hægt að vera annað en lög-
fræðingur eða læknir þegar maður
er orðinn stór.“
Konurnar í Syndis eru snillingar
Konurnar hjá Syndis starfa í mis-
munandi deildum.
„Þrjár konur tilheyra stjórnunar-
legu öryggisteymi, ein er verkefnis-
stjóri vöktunarteymisins, önnur
sinnir nýju og spennandi teymi
sem snýr að þróun, rannsóknum
og nýsköpun og sjálf sé ég um
mannauðsmálin. Segja má að öll
störfin séu þau sömu eða svipi til
starfa sem karlar hjá Syndis sinna,
en þessi dreifing sýnir okkur að
það eru ótrúlega fjölbreytt störf
innan netöryggis og ekkert ákveð-
ið box sem konur passa betur í en
annað. Þetta er persónubundið og
konurnar í Syndis eru snillingar
í því sem þær gera; svoleiðis hver
neglan á eftir annarri,“ segir Hörn.
Spurð hvort eitthvað einkenni
konur umfram karla í þessum
geira, svarar Hörn:
„Nei, í rauninni ekki. Konurnar
hjá Syndis starfa á breiðu sviði
og okkur vantar bara fleiri konur
til að fylla hin teymin af aðeins
meira estrógeni,“ segir Hörn og
hlær. „Hæfni er einstaklega per-
sónubundin og í raun enginn
einn hæfnisþáttur sem mér finnst
eiga eingöngu við um konurnar í
fyrirtækinu. Strákarnir okkar eru
nefnilega líka frábærir og ótrúlega
færir í því sem þeir gera. Því finnst
mér hæfni og áhugi birtast alveg
óháð kyni innan Syndis.“ n
Syndis er í Borgartúni 37. Sími 415
1337. Netfang syndis@syndis.is.
Nánar um Syndis á syndis.is
Þekktust fyrir að vera hakkarar
Hörn Valdimarsdóttir er mannauðsstjóri Syndis. FRÉTTABLAÐIÐ/ERNIR
Ég ákvað því að leggja tölvunar-
fræðina fyrir mig og í náminu tók
ég netöryggisáfanga þar sem ég
heillaðist gjörsamlega af við-
fangsefninu. Í framhaldinu vann
ég þrjár annir að rannsóknarverk-
efnum tengdum öryggismálum,
sem juku áhuga minn enn frekar,
og þá var orðið borðleggjandi fyrir
mig að sækja um vinnu í þeim
geira,“ segir Guðrún.
Eftir stúdentspróf við Fjöl-
brautaskóla Vesturlands á Akra-
nesi langaði hana til náms í útlönd-
um og sótti um skólavist í tveimur
bandarískum háskólum.
„Mér þótti alltaf skemmtilegt í
skóla og gekk vel í námi þannig að
ég vissi að mig langaði í háskóla
sem gerði miklar akademískar
kröfur. Ég endaði á að komast inn
í báða skólana en valdi á endanum
Princeton. Það var ekki sérstak-
lega erfið ákvörðun enda einn
besti háskóli í heimi. Mér fannst
líka heillandi að Princeton er
tiltölulega lítill skóli á amerískan
mælikvarða, háskólasvæðið er
ævintýralegt og lítur út eins og
klippt út úr Harry Potter-mynd,
allar byggingar í gotneskum stíl. Í
Princeton eru um 8.000 nemendur
í grunnnámi og tæp 3.000 í fram-
haldsnámi. Það þýðir að nemendur
í grunnnámi fá aðgang að öllum
fremstu prófessorum skólans,
Turing- og Nóbelsverðlauna-
höfum, sem er mun óalgengara í
skólum með mikinn fjölda nem-
enda í framhaldsnámi,“ greinir
Guðrún frá.
Hún segist hafa vaxið og þrosk-
ast gríðarlega þau fjögur ár sem
hún stundaði nám við Princeton,
bæði sem manneskja og nemandi.
„Það sem ég tók einna helst með
mér úr náminu er að ég er fær um
svo miklu meira en ég hélt áður, og
að öll erfið og krefjandi verkefni
stækka þægindarammann aðeins
meira og gera næstu erfiðu verk-
efni mun viðráðanlegri. Það varð
mér líka mjög skýrt hversu mikil-
vægt er að umvefja sig skemmti-
legu og styðjandi fólki.“
Siðprúðir hakkarar
Eftir útskrift frá Princeton fékk
Guðrún Valdís vinnu sem hakkari
hjá Aon í New York.
„Hakkari er nú ekki lögverndað
starfsheiti og oft erum við kölluð
„öryggissérfræðingar“ eða álíka
óspennandi. Við í Syndis höfum
líka reynt að markaðssetja hug-
takið „siðprúður sniðgengill“ en
við frekar dræmar undirtektir. Sið-
prúðir hakkarar gera eiginlega það
sama og óprúttnir hakkarar, nema
löglega og í samráði við fyrirtækin
sem verið er að hakka. Við reynum
að komast í viðkvæmar upplýsing-
ar fyrirtækja eða annarra notenda,
og misnota virkni kerfa okkur í
hag, til dæmis með því að sleppa
að borga fyrir vörur ef við erum að
prófa netverslanir. Þegar ég starf-
aði sem hakkari var ég langmest
í að hakka heimasíður og snjall-
forrit en við hökkum líka net-
kerfi fyrirtækja og framkvæmum
raunlægar öryggisprófanir þegar
við brjótumst inn í byggingar og
fleira,“ útskýrir Guðrún.
Ein fyrsta minning hennar frá
því að vinna sem hakkari er frá
Bandaríkjunum.
„Þá fann ég mjög alvarlegan
öryggisgalla við prófun á heima-
síðu. Sá veikleiki leyfði hverjum
sem var á internetinu að sækja per-
sónuupplýsingar og kortaupplýs-
ingar viðskiptavina fyrirtækisins.
Ég var þá nýbyrjuð og aðstoðaði
reyndari aðila við að hakka þessa
heimasíðu. Þar sem ég var að fikta
og prófa mig áfram fann ég þennan
öryggisgalla eiginlega alveg óvart,
en tilfinningin er eftirminnileg.
Þetta var svo ótrúlega spennandi
og skemmtilegt og adrenalínið fór
á fullt. Úrið mitt titraði því það hélt
að ég væri í líkamsrækt vegna þess
hve hjartslátturinn jókst mikið,“
segir Guðrún og hlær.
Í dag er hún starfandi öryggis-
stjóri Syndis, sem felur í sér ábyrgð
á öryggismálum fyrirtækisins.
„Grundvallarhæfnin í starfið er
að hafa góða yfirsýn yfir verkefnin
og eiga gott samband við fólk. Ég
er heppin að starfa í netöryggis-
fyrirtæki þar sem starfsfólk hefur
mikinn áhuga og skilning á mikil-
vægi öryggis og það gerir mitt starf
óneitanlega töluvert einfaldara.
Hjá Syndis vinn ég líka með
mörgum reynsluboltum sem eru
duglegir að deila þekkingu sinni og
reynslu. Karlar eru enn í miklum
meirihluta í netöryggisgeiranum
og staðalímynd netöryggissér-
fræðinga er klárlega enn mjög
karllæg. Ég hef upplifað nokkur
ansi fyndin augnablik á þessum
fimm árum sem ég hef starfað
í netöryggi – viðskiptavini sem
beina ítrekað öllum tæknilegum
spurningum að karlkyns verkefna-
stjóra – þótt ég svari þeim öllum,
eða óþarflega ítarlegar útskýringar
á grundvallaratriðum netöryggis
frá forriturunum, sem ég skil lík-
lega töluvert betur en þeir sjálfir.
En þá setur maður bara hausinn
undir sig og lætur verkin tala. Þá
komast þeir fljótt yfir þetta,“ segir
Guðrún glettin. n
Siðprúðir hakkarar
gera eiginlega það
sama og óprúttnir hakk-
arar nema löglega og í
samráði við fyrirtækin
sem verið er að hakka.
kynningarblað 19FIMMTUDAGUR 26. janúar 2023 Félag kvenna í atvinnulíFinu