Fréttablaðið - 26.01.2023, Qupperneq 47
Það er
þessi
fjölbreyti-
leiki sem
veldur því
að ég hef
gaman af
því að
starfa á
fjármála-
markaði.
Starfið er
lifandi og
áhugavert
og tengist
inn í flest
svið sam-
félagsins.
Halldóra Skúladóttir er svo
heppin að starfa við það
sem hún hefur áhuga á og
nýtur sín í starfi. Hún hefur
verið iðin við að þróa sig og
efla í starfi með því að auka
við sig menntun í gegnum
tíðina.
Halldóra starfar sem forstöðu-
maður Eignastýringar Íslands-
sjóða. Hún lauk cand.oecon-gráðu
í viðskiptafræði af fjármálasviði
frá Háskóla Íslands árið 2000 og
hefur sú gráða nýst henni vel í
hennar vinnu. „Til að efla mig
enn frekar og þróa mig hef ég auk
þess lokið nokkrum áföngum í
Háskóla Íslands á meistarastigi.
Að auki hef ég lokið löggildingu
í verðbréfaviðskiptum en sú lög-
gilding er forsenda þess að geta
unnið á verðbréfamörkuðum.
Ég er svo heppin að starfa við
það sem ég hef áhuga á en ásamt
vinnunni eru áhugamálin golf,
skíði, ferðalög og útivist,“ segir
Halldóra.
Starfið er lifandi
Segðu aðeins frá starfi ykkar í
Eignastýringu Íslandssjóða og
hvað það var sem laðaði þig að því
að starfa í þessum geira?
„Við í Eignastýringu Íslands-
sjóða sjáum um að stýra fjár-
munum fyrir einstaklinga,
Halldóra Skúladóttir, forstöðumaður Eignastýringar Íslandssjóða, nýtur sín í starfi sem er yfirgripsmikið og fjölbreytt. Hún segir stjórnunarstöðuna hafa dýpkað starfið enn frekar. FRÉTTABLAÐIÐ/AnTon BRInk
Fjölbreyttar áskoranir í síbreytilegu umhverfi
lögaðila og lífeyrissjóði. Starfið
er yfirgripsmikið og krefst þess
að fylgjast með þróun fjármála-
markaða hérlendis og erlendis.
Það felst í því að greina þróunina
og tækifærin og hafa skoðun á
þeim eignaflokkum sem við fjár-
festum í. Markmið okkar er alltaf
að ná sem bestri áhættuleiðréttri
langtímaávöxtun fyrir viðskipta-
vini okkar. Það eru margir þættir
sem hafa áhrif á ávöxtun, eins og
vextir, verðbólga, afkoma fyrir-
tækja, aðgerðir seðlabanka og
ríkisstjórna og staða heimsmála
og margt f leira.
Covid og innrásin í Úkraínu
eru nýleg dæmi um meiri háttar
atburði sem höfðu mikil áhrif á
ávöxtun og mikil ófyrirséð áhrif
á fjármálamarkaði. Á sama hátt
og það er mikilvægt að fylgjast
með afkomu einstakra fyrirtækja
og hagkerfa er ekki síður mikil-
vægt að fylgjast með breytingum
á þjóðfélagsgerðum og pólitískri
þróun í löndum sem skipa stóran
sess í heimshagkerfinu,“ segir
Halldóra og er ávallt jafn ánægð í
starfi sínu.
„Það er þessi fjölbreytileiki
sem veldur því að ég hef gaman af
því að starfa á fjármálamarkaði.
Starfið er lifandi og áhugavert og
tengist inn í f lest svið samfélags-
ins. Maður veit aldrei hvernig
dagurinn mun þróast.“
Hefur þú ávallt haft brennandi
áhuga á því að vera í stjórnunar-
stöðu?
„Árið 2010 var mér fyrst boðið
að leiða eignastýringateymið og
var ég þá í miðju fæðingarorlofi.
Ég hef frá þeim tíma leitt teymið
með einum eða öðrum hætti.
Í raun hafði ég ekki sóst eftir
stjórnunarstöðu þegar mér bauðst
hún en ég þurfti ekki að hugsa mig
lengi um og tók stöðunni þegar
hún bauðst. Að vera í stjórnunar-
stöðu hefur víkkað enn frekar
starf mitt og dýpkað það og hefur
áhugi minn á stjórnun því aukist
mikið með árunum.“
Aðspurð segir Halldóra að
Íslandssjóðir séu með öfluga
mannauðsstefnu og mikil áhersla
hafi verið lögð á að laða konur til
starfa. „Mikil áhersla hefur verið
lögð á að jafna hlutföll kvenna
og karla síðustu ár hjá Íslands-
sjóðum og er staðan mun betri en
almennt gerist á fjármálamarkaði.
Kynjahlutföllin eru nokkuð jöfn
eins og staðan er í dag en konur
eru 40% starfsfólks Íslandssjóða.“
Mikilvægt að vera
sífellt á tánum
Verkefnin og áskoranirnar í eigna-
stýringu eru fjölbreytt og stöðugt
ný verkefni að takast á við. „Það er
mikilvægt í eignastýringu að vera
sífellt á tánum, þróast og læra. Það
er í raun það sem gerir starfið svo
skemmtilegt og spennandi. Því
meiri reynslu sem maður öðlast
þeim mun öflugri verður maður á
þessu sviði.
Ég hef til dæmis upplifað mjög
fjölbreyttar áskoranir á mörkuðum
á þeim tæpu 23 árum sem ég hef
starfað á þessum fjármálamarkaði.
Í hvert sinn lærir maður eitthvað
nýtt sem nýtist manni til að verða
enn betri í þessu starfi.
Ég væri eflaust löngu hætt ef það
væri ekki raunin, það er mjög mikil-
vægt að geta alltaf verið að læra og
þróast.
Síðustu árin hafa ábyrgar fjár-
festingar orðið mjög fyrirferðar-
miklar á sviði eignastýringar og
hefur verið mikil áskorun að þróa
aðferðafræði á því sviði. Við erum
þó rétt að byrja og ljóst að það á
eftir að verða mikil þróun á þessu
sviði á næstu árum.“
Getur þú gefið konum góð ráð
til að ná settum markmiðum og ná
langt í atvinnulífinu?
„Það er mikilvægt að hafa trú á
sjálfum sér og að vanmeta sig ekki.
Ekki hika við að sækja um starf sem
þú hefur áhuga á þó þú teljir þig
aðeins uppfylla hluta af skilyrðun-
um í starfsauglýsingum. Síðan er að
sjálfsögðu mikilvægt að leggja sig
fram í starfi og láta verkin tala en
einnig er, myndi ég segja, áríðandi
að byggja upp gott tengslanet.“ n
kynningarblað 31FIMMTUDAGUR 26. janúar 2023 Félag kvenna í atvinnulíFinu