Fréttablaðið - 26.01.2023, Qupperneq 78

Við leggjum ríka
áherslu á jafnréttis-
málin hjá TR. Hluti af því
er að stjórnendateymið
gangi á undan með góðu
fordæmi og við erum
mjög meðvituð um þetta
í öllum okkar ráðning-
um að fjölbreytni í öllu
er góð.
Huld Magnúsdóttir
Tryggingastofnun er ein
stærsta þjónustustofnun
landsins, en þar starfa
um 100 einstaklingar við
úrvinnslu fjölbreyttra mála
varðandi réttindi í almanna-
tryggingakerfinu og veita
stórum hópi landsmanna
þjónustu.
Tryggingastofnun (TR) leggur ríka
áherslu á jafnréttismál og jafn-
réttisstefna stofnunarinnar stuðlar
að jafnri stöðu, jafnri virðingu og
jafnrétti kynjanna.
„Við leggjum mikinn metnað í
jafnréttismálin og höfum gert til
margra ára. Við fylgjum vitaskuld
öllum þeim leikreglum sem settar
hafa verið varðandi jafnréttismál
og erum með jafnréttisstefnu,
jafnlaunavottun og aðgerðir ef það
kemur upp einelti, kynferðisleg
áreitni eða önnur ótilhlýðileg
háttsemi,“ segir Hólmfríður Erla
Finnsdóttir, sviðsstjóri mannauðs-
mála hjá TR.
„Við leggjum einnig mikla
áherslu á fjölbreytileika í víðu
samhengi og að við séum ekki að
mismuna á grundvelli litarháttar,
fötlunar, stjórnmálaskoðunar eða
trúabragða. Það er ekki nóg að
setja sér stefnur því stundum vill
það nú verða hjá fyrirtækjum og
stofnunum að mikil vinna er lögð
í alls kyns undirbúning en svo
er hlutunum ekki fylgt eftir. Það
er gott að starfsfólk viti hvernig
við bregðumst við ef upp koma
einhver mál er varða mismun eða
áreiti og að við fylgjum stefnum
okkar vel eftir,“ segir Hólmfríður.
Afþreying er mikilvæg
Hólmfríður bendir á að jafnréttis-
mál geti líka snúið að leik. „Karl-
menn hafa gjarnan haldið í leikinn
í sjálfum sér, þeir fara í veiðiferðir,
golfferðir, í gufubað með félög-
unum og fleira. Þar eru ákvarðanir
oft teknar. Konurnar missa oft
tilhneiginguna til leiksins og ég
hef velt því fyrir mér hvort það
geti verið orsökin fyrir því að
konur séu að fara í meiri kulnun
í lífinu. Eitt sem við höfum gert
hjá Tryggingastofnun nýlega er að
setja upp afþreyingaraðstöðu fyrir
starfsfólk. Það er mikið álag hérna,
þannig að þegar þú þarft aðeins að
slaka á þá er gott að hafa aðstöðu
fyrir afþreyingu. Með því erum
við jafnframt að hvetja konur til
að vera virkari í afþreyingu. Þó
við séum gömul stofnun erum við
nútímaleg í leik og starfi.“
Í jafnlaunastefnu Trygginga-
stofnunar segir að allt starfsfólk
stofnunarinnar njóti jafnra launa
og sömu kjara fyrir sömu eða jafn-
verðmæt störf þannig að enginn
launamunur sé til staðar.
„Okkur ber að fara eftir ákveðn-
um jafnlaunastaðli og við fengum
jafnlaunavottun árið 2020. Þetta
er árleg úttekt sem við uppfærum
næst í febrúar og er ákveðið gæða-
stjórnunarkerfi. Við erum með
jafnlaunakerfi og jafnlaunahand-
bók sem fólk getur alltaf rýnt í.
Það er samt ekki alveg nóg að hafa
þennan ramma því það er einnig
gott að vita hvert þú þarft að leita
ef eitthvað kemur upp á og hvernig
á að bregðast við. En þetta snýst
líka um viðhorf okkar og gildis-
matið í þessum málum. Það þarf
ákveðið hugrekki til að framfylgja
viðbragðsáætluninni þegar upp
koma erfið mál og það gerum við
hjá TR,“ segir Hólmfríður.
Tökum alltaf upp
jafnréttisgleraugun
Það er stefna Tryggingastofnunar
að einelti, kynferðisleg áreitni, kyn-
bundin áreitni og annað ofbeldi
verði ekki liðið á vinnustaðnum og
telst brot á starfsskyldum.
„Þessi stefna er alltaf virk hjá
okkur og við förum yfir hana með
starfsfólkinu okkar á hverju ári.
Við vinnum markvisst gegn hvers
konar áreitni og spyrjum um þessi
mál tvisvar á ári í viðhorfskönnun
innanhúss. Undanfarin ár hafa mál
af þessum toga ekki komið upp hjá
okkur. Það er alveg skýrt að ef slík
mál koma upp er tekið strangt á
þeim.
Þegar kemur að jafnréttis-
málum snýst málið oft um að
taka ákvörðun, setja skýra stefnu
og fylgja henni eftir. Ég hef verið
þeirrar gæfu aðnjótandi að vera
með forstjórum hér sem hafa lagt
mjög mikla áherslu á jafnréttismál
og það hefur áhrif á alla starfsemi
stofnunarinnar. Við tökum alltaf
upp jafnréttisgleraugun þegar
verið er að setja saman vinnuhópa
eða skipa í nefndir. Ég vona að jafn-
réttishugsjónin komist inn í DNA
hjá fólki í samfélaginu þannig að
það þurfi ekki áratug eftir áratug
að vera í einhverri baráttu,“ segir
Hólmfríður.
„Við þurfum jafnframt meira
jafnrétti inni á heimilunum og
þar kom þessi vitundarvakning
um þriðju vaktina svo rosalega
flott inn. Við hjá TR reynum að
koma til móts við þarfir starfs-
fólksins okkar eins og að bjóða
upp á sveigjanlegan vinnutíma.
Það er stórt skref til að auðveldara
sé að samræma vinnu, frítíma og
heimilislíf.“
Jafnt kynjahlutfall í stjórnenda-
teymi TR
Huld Magnúsdóttir er forstjóri
Tryggingastofnunar en hún tók
við starfinu í júní á síðasta ári. Hún
var settur forstjóri stofnunarinnar
2015-16 en starfaði í fimm ár sem
framkvæmdastjóri Nýsköpunar-
sjóðs atvinnulífsins og þá starfaði
hún í 15 ár hjá Össuri hf.
Tryggingastofnun fékk seint
á síðasta ára viðurkenningu
Jafnvægisvogar Félags kvenna í
atvinnurekstri, fyrir hlutfall kynja
í stjórnendateymi stofnunarinnar,
en hjá TR er hlutfall kvenna í fram-
kvæmdastjórn 50%. „Við kynntum
nýtt skipurit í lok nóvember og út
frá jafnréttissjónarmiði er sérstakt
við það að það er jöfn skipting
kynja í stjórnendateyminu. Þetta
eru átta einstaklingar, fjórar konur
og fjórir karlar. Við leggjum ríka
áherslu á jafnréttismálin hjá TR.
Hluti af því er að stjórnendateymið
gangi á undan með góðu fordæmi
og við erum mjög meðvituð um
það í öllum okkar ráðningum
að fjölbreytni í öllu er góð,“ segir
Huld.
Kvennastörf verði metin jafnt á
við karllæg störf
Nýlega var Tryggingastofnun
valin í spennandi þróunarverk-
efni á vegum forsætisráðuneytis-
ins um virðismat starfa. Verkefnið
á að þróa og móta virðismatskerfi
starfa meðal valinna stofnana rík-
isins, þ.m.t. stuðning, fræðslu og
þjálfun við þær stofnanir meðan
á þróunarverkefni stendur. Huld
telur þetta verkefni mikilvægt
skref á þeirri vegferð að leggja
hlutlægt mat á ólík störf þannig
að hægt sé að meta virði þeirra.
„Þróun á virðismatskerfi þarf að
ná yfir fjölbreytt störf sem stað-
sett eru á ólíkum vinnustöðum.
Er það von okkar að þessi vinna
leiði til þess að kvennastörf verði
metin jafnt á við karllæg störf.“
segir hún.
„Það eru spennandi tímar fram
undan hjá stofnuninni“ segir Huld
„Við erum til dæmis að vinna í
mjög stóru verkefni um fram-
tíðina í stafrænni þróun. Kerfin
okkar eru mjög stór en við erum
að borga á milli 70-80 þúsund
manns á mánuði og það er mikið
verkefni sem krefst öflugrar
tækni. Við erum að f lytja vefinn
okkar, tr.is og Mínar síður á TR
yfir til Stafræns Íslands, island.is,
og við erum mjög spennt fyrir því.
Samhliða þessu öllu erum við að
vinna í alls kyns úrbótaverkum
svo sem að straumlínulaga ferla og
leggjum mikla áherslu á fræðslu
og kynningarmál sem og upplýs-
ingaskyldu stofnunarinnar gagn-
vart viðskiptavinum,“ segir Huld,
sem segir Tryggingastofnun vera
líf legan og frábæran vinnustað.
„Hér er mjög skemmtilegt
og duglegt fólk sem gefur allt
í vinnuna við oft krefjandi og
erfiðar aðstæður og langan vinnu-
dag. Starfsandinn er mjög góður.
Starfsmannafélagið er öflugt og
liðsheildin er virkilega góð þar
sem allir róa í sömu átt.“ n
Mikill metnaður í jafnréttismálum hjá TR 
Frá vinstri: Anna Elísabet Sæmundsdóttir, sviðsstjóri þjónustu, Hólmfríður Erla Finnsdóttir mannauðsstjóri, Sigrún Jónsdóttir, sviðsstjóri samskipta, og Huld
Magnúsdóttir forstjóri. FRÉTTABLAÐIÐ/VALLI
Ekki greinarmunur
á kynjum
Huld tók á móti viður-
kenningu alþjóðlegu
almannatrygginga-
samtakanna (ISSA)
fyrir Íslands hönd
fyrir framúrskarandi
árangur í jafnréttismál-
um er varða almanna-
tryggingar, en Ísland
fékk verðlaunin afhent
á þingi samtakanna í
Marokkó í október sl.
„Þetta eru alþjóðleg
samtök nánast allra
tryggingastofnana
í heiminum með
tengingu við Alþjóða
vinnumálastofnunina.
Það var mikill heiður
að taka við þessum
verðlaunum. ISSA hefur
kynnt jafnrétti sem eitt-
aðalstefnumál næstu
ára og Ísland þykir gott fordæmi sem ISSA vildi kynna sérstaklega. Á
Íslandi er ekki munur á upphæðum í almannatryggingakerfinu eftir
kynjum. Það eru sömu upphæðirnar óháð kyni og þegar ég flutti
þakkarræðu á þingi samtakanna þá sá ég að mörgum þótti það sér-
stakt því í mörgum öðrum löndum er ekki þannig jafnræði á milli
kynja,“ segir Huld. n
Huld Magnúsdóttir og Anna Elísabet Sæ-
mundsdóttir með viðurkenningu Íslands á
þingi almannatryggingasamtakanna.
62 kynningarblað 26. janúar 2023 FIMMTUDAGURFélag kvenna í aTvinnulíFinu