Skessuhorn - 20.12.2022, Page 2

ÞRIÐJUDAGUR 20. DESEMBER 20222
Forsetaheimsókn á Akranes 14–15
Brautskráð úr framhaldsskólum 11 og 18
Hvað er það besta við jólin? 24
Hugvekja prests 26
Jólamyndagáta 28
Jólakrossgáta 30
Fréttaannáll 32–45
Kveðjur úr héraði 46–54
Gleðina vantaði og úr því var bætt 56–57
Feigðarför Jóhannesar Helgasonar 58–59
Það er notalegt að hafa frelsið 62–64
Ég er háður því að vera hér 66–68
Sjómaður og harðfisksali 70–71
Hvítir sloppar henta ekki vel 72–74
Hugðarefni af hæstu gæðum 76–78
Svona er Villi Hjörleifs 80–82
Netagerðarmaður í Ólafsvík 84–85
Fólk þarf að viðra vængina til að læra að fljúga 86–88
Jólavísnahorn 89
Bankamaður og þrefaldur Íslandsmeistari 90–91
Hönnun snýst um fólk 92–94
Iddi Biddi og mamma hans í pod– og hláturskasti 95
Íslendingar þurfa að verða svangir 96–97
Það skemmtilega í tilverunni 98–99
„Hafðu trú á þér.“ 100–101
Að veita hversdagsleikanum athygli 102
Hlustar á jólalög allan desember 104–105
Birgir á vit nýrra ævintýra 106–107
Hundrað kindur og örlög Steina í Laxárholti 108–109
Þá mega jólin koma fyrir mér 110–111
Í sjúkraliðanám eftir þrjá áratugi á vinnumarkaði 112
Lítur stoltur til baka yfir ferilinn 114–115
Meðal efnis í
Jólablaði
Skessuhorns
Akraneskaupstaður og Hvalfjarðar­
sveit lækka álagsprósentu fast­
eignaskatta á íbúðarhúsnæði milli
áranna 2022 og 2023 til að koma
til móts við íbúa vegna mikillar
hækkunar á fasteignamati. Íbúar í
Stykkishólmi munu einnig njóta
prósentulækkunar á næsta ári en í
Helgafellssveit er hækkun miðað
við síðasta ár. Álagningarhlutfallið
verður óbreytt milli ára í Borgar­
byggð, Dalabyggð, Grundar­
fjarðarbæ, Eyja­ og Miklaholts­
hreppi, Skorradalshreppi og Snæ­
fellsbæ. Íbúar þar geta því vænst
hækkunar fasteignagjalda á nýju ári
í ljósi hækkunar fasteignaverðs.
Akranes
Bæjarstjórn Akraness ákvað á
fundi sínum 13. desember síðast­
liðinn að lækka álagningarprósentu
íbúðarhúsnæðis á næsta ári. Eftir
þá breytingu eru greiðslur íbúa að
hækka í takti við verðlag almennt,
en ekki í takti við hækkun fast­
eignaverðs eitt og sér. Í færslu Sæv­
ars Freys Þráinssonar bæjarstjóra
á Akranesi á Facebook í kjölfar
fundarins kemur fram að Akranes
komi afar vel út í samanburði fast­
eignagjalda á suðvesturhorni lands­
ins þar sem unnið er úr gögnum
frá Byggðastofnun fyrir árið 2022.
Akranes er þar með lægstu fast­
eignagjöld sveitarfélaga á þessu
svæði, en tekið er fram að miðað er
við að suðvesturhorn landsins nái
frá Hvítá í Borgarfirði til Hvítár í
Árnessýslu. Einnig er tekið fram
af hálfu Byggðastofnunar að sum
svæði innan viðkomandi sveitar­
félaga voru hagstæðari en sveitar­
félagið í heild.
Hvalfjarðarsveit og
Stykkishólmur
Hvalfjarðarsveit lækkar álagningar­
hlutfall fasteignaskatts í A­flokki
einnig, úr 0,380% af fasteigna­
mati yfir í 0,360% á næsta ári.
Auk þess skal tekið fram að
álagningar prósenta nýs sam­
einaðs sveitarfélags Stykkishólms
og Helgafellsveitar verður 0,380%
sem er lægra en var í Stykkishólmi
áður, en hærra en var í Helgafells­
sveit, (sjá töflu hér neðar).
Fasteignaverð
hefur hækkað
Ljóst er að fasteignamat hefur
hækkað umtalsvert milli ára og
má sem dæmi nefna að fasteigna­
mat í Borgarbyggð hækkar á milli
áranna 2022 og 2023 um 17,6% að
meðaltali skv. greinargerð sveitar­
stjóra með fjárhagsáætlun. Heildar­
mat fasteigna á Íslandi hækkar um
19,9% frá yfirstandandi ári, sam­
kvæmt nýju fasteignamati Þjóð­
skrár fyrir árið 2023.
Nánar um fasteignaskatt
Fasteignaskattur er annar stærsti
tekjustofn sveitarfélaga og er lagður
árlega á flestar fasteignir í landinu.
Það er svokallaður A­skattur sem
er lagður á íbúðarhúsnæði og getur
verið allt að 0,5% af fasteignamati.
Álagningarhlutfall fasteignaskatts
á Vesturlandi á íbúðahúsnæði árin
2022 og 2023 má sjá hér í saman­
burði.
gj
Álagningarprósenta lækkar í þremur
sveitarfélögum en stendur í stað í sex
Álagningarhlutfall fasteignaskatts
á íbúðahúsnæði á Vesturlandi 2022 og 2023
2022 2023
Akraneskaupstaður 0,251% 0,231%
Borgarbyggð 0,350% 0,350%
Dalabyggð 0,500% 0,500%
Eyja­ og Miklaholtshreppur 0,500% 0,500%
Grundarfjarðarbær 0,500% 0,500%
Helgafellssveit 0,360%
Hvalfjarðarsveit 0,380% 0,360%
Skorradalshreppur 0,450% 0,450%
Snæfellsbær 0,440% 0,440%
Stykkishólmur/Helgafellssveit 0,420% 0,380%
Húseignir á Akranesi í skammdegissólinni þessa dagana. Ljósm. gj.