Skessuhorn - 20.12.2022, Qupperneq 11

ÞRIÐJUDAGUR 20. DESEMBER 2022 11
Óskum Vestlendingum
gleðilegra jóla.
Megi nýtt ár færa
ykkur jöfnuð og
réttlæti.
Samfélag velsældar og tækifæra er þegar við öll njótum!
Föstudaginn 16. desember braut­
skráðust ellefu nemendur frá Fjöl­
brautaskóla Snæfellinga í Grundar­
firði. Af félags­ og hugvísinda­
braut brautskráðust fjórir nem­
endur; Bjartur Bjarmi Barkar­
son, Dominika Borkowska, Guð­
mundur Óli Hafþórsson og Gunn­
laugur Páll Einarsson. Af náttúru­
og raunvísinda braut brautskráðust
þau Íris Birta Bergmann Heiðars­
dóttir og Símon Andri Sævarsson
Walter. Af opinni braut til stúd­
entsprófs brautskráðust fimm nem­
endur; Atli Ágúst Hermannsson,
Kolbrún Júlía Erlendsdóttir, María
Líf Flosadóttir, Vaka Þorsteins­
dóttir og Þorvaldur Guðmunds­
son. Með hæstu meðaleinkunn við
útskrift nú var Íris Birta Bergmann
Heiðarsdóttir.
Í útskriftarræðu Hrafnhildar
Hallvarðsdóttur skólameistara kom
m.a. fram að á haustönn voru 214
nemendur skráðir í nám við FSN.
Af þeim voru 116 nemendur í fjar­
námi og 98 í staðnámi. Rifjaði hún
upp sögu skólans, en það var árið
2003 sem menntamálaráðuneytið
greindi frá undirritun samnings um
nýjan framhaldsskóla í Grundar­
firði. Þar kom fram að í Fjöl­
brautaskóla Snæfellinga hafi verið
þróuð ný hugsun í kennsluháttum,
skipulagi skólastarfs og skólahús­
næði. „Þessi nýi skóli gaf vissu­
lega tækifæri til mikilla breytinga
og innleiðingar á nýjum kennslu­
háttum. Nú hefur skólinn starfað
í nær tvo áratugi en er samt enn
frekar ungur, miðað við marga
aðra skóla á sama skólastigi,“ sagði
Hrafnhildur.
„Skólinn var óskabarn sam­
félaganna sem að honum stóðu og
við sem höfum verið með í þessu
verk efni frá upphafi höfum séð
hvað skólinn hefur haft mikil áhrif
á sveitarfélögin á Snæfellsnesi og
á sunnanverðum Vestfjörðum.
Ég vona að ég þreytist aldrei á
því að minna á að það er byggða­
stefna að hafa skóla á landsbyggð­
inni og það eru mikil forréttindi að
geta haft börn heima í framhalds­
námi. Við höfum síðan séð áhrifin
af því að nemendur FSN sem eru
heima fram til tvítugs skjóta sterk­
ari rótum í heimabyggð og eru lík­
legri til að koma heim aftur eftir
að framhaldsnámi er lokið,“ sagði
skólameistarinn í ávarpi sínu.
Að loknu ávarpi og útskrift skóla­
meistara veitti Sólrún Guðjóns­
dóttir aðstoðarskólameistari viður­
kenningar fyrir góðan náms­
árangur sem eru gefnar af sveitar­
félögum á norðanverðu Snæ­
fellsnesi og sunnanverðum Vest­
fjörðum, Danska sendiráðinu
á Íslandi, Íslenska Stærðfræða­
félaginu, Háskóla Reykjavíkur,
Arion banka, Landsbankanum
og Soffanías Cecilsson hf. Þiðrik
Örn Viðars son íslenskukennari var
kynnir útskriftar, Áslaug Sigvalda­
dóttir myndlistar­ og raungreina­
kennari flutti kveðjuræðu fyrir
hönd starfsfólks og Ísak Hilmars­
son 15 ára stúdent flutti ræðu á raf­
rænu formi. Kolbrún Júlía Erlends­
dóttir nýstúdent flutti ræðu fyrir
hönd stúdenta.
Því má bæta við að á útskriftar­
daginn barst skólanum gjafabréf frá
Lionsklúbbi Stykkishólms en gjafa­
bréfið hljóðar upp á 600 þúsund
krónur til tækjakaupa.
mm/ Ljósm. sá
Ellefu brautskráðir frá FSN í Grundarfirði
Útskriftarhópurinn framan við skólann og við nýja listaverkið sem þau Olena Sheptytiska og Mykola Kravets frá Úkraínu
gerðu. Þau eru nú búsett í Grundarfirði.
Íris Birta Bergmann Heiðarsdóttir útskrifaðist með hæstu einkunn nemenda.